Նեսա սուրա: Հանուն գթառատ եւ ողորմած Աստծո: Բարև Ձեզ հարգարժան ռադիոլսող բարեկամներ: Այս հաղորդման ընթացքում կանդրադառնանք Նեսա սուրայի 35-39-րդ այաներին:

Նախ  կլսենք Նեսա սուրայի 35-րդ այան:

وان خفتم شقاق بينهمافابعثواحكما من اهله وحكما من اهلها ان يريد

اصلاحا يوفق الله بينهما ان الله كان عليما خبيرا /

<Երբ կվախենաք, որ այր ու կնոջ միջև պառակտում տեղի կունենա,  յուրաքանչյուր կողմից մեկ իրավարար կանչեք և եթե տղամարդն ու կինը կորոշեն սիրով իրար հետ ապրել, Աստված խաղաղություն կհաստատի նրանց միջև: Վասնզի իր գիտությունից ոչինչ չի խուսափի>:

Այս այան խոսում է ընտանեկան դատարանի մասին, ասելով որ եթե տղամարդու և կնոջ  միջև տեղի ունենա անհաշտություն, նրանք պետք է քայլ կատարեն, և թույլ չտան որպեսզի ամուսնալուծությունը անմիջապես տեղի ունենա: Նրանք պետք է մի դատավոր կանչեն, որպեսզի վերջինիս օգնությամբ իրենց խնդիրները լուծեն:  Այս ձևը, որ իսլամի կողմից է առաջարկվել, շատ կարևոր է: Նախ այն պատճառով, որ ընտանիքի խնդիրները մնում են հենց նրա ներսում և ընտանիքը ավելի ամուր է լինում, քանի որ բոլորը չեն տեղեկանում կնոջ և տղամարդու միջև առկա անհարթությունների մասին: Դրանից բացի, երբ միջնորդներ են լինում տղամարդու և կնոջ միջև, նրանք ավելի խաղաղ պայմաններում են քննարկում հարցերը և գործը չի հասնում դատարան: Երրորդ հերթին, նման հանդիպումների ժամանակ խնդիրը մեկին դատապարտելը չէ, այլ ելք գտնելը, ինչը օգնում է կողմերին  ընդհանուր հայտարարի գալ:

Այս այայից սովորում ենք.

1. Հասարակությունը և բարեկամները պատասխանատու են իրենց ընտանիքների խնդիրների նկատմամբ:

2. Չպետք է թույլ տալ, որ ընտանեկան հարցերը խորանան: Դրանք պետք է լուծել մինչ այդ:

3. Յուրաքանչյուր տղամարդ և կին պետք է ունենա իր դատավորը, որպեսզի պաշտպանի իրեն:

4. Եթե գործերում լինի փոխըմբռնում երկու կողմից, աստվածային կամքն էլ նրանց կօժանդակի:

Այժմ  կլսենք Նեսա սուրայի 36-րդ այան.

واعبدوالله و لاتشركوابه شيئا و بالوالدين احسانا وبذي القربي

واليتامي والمساكين والجار ذي القربي والجار الجنب و الصاحب بالجنب و

ابن السبيل و ماملكت ايمانكم ان الله لايحب من كان مختالا فخورا

<Պաշտեցեք Աստծուն: Իրեն հավասար ոչ ոք չկա: Բարություն արեք ձեր ծնողներին /ձեր ազգականներին/, որբերին, աղքատներին, ձեր արյունակիցներին, օտարականներին, ձեր զինակից ընկերներին, ճամփորդներին և գերիներին: Ամենակարողը ատում է գոռոզ և հպարտ մարդկանց>: 

Այս այան խոսում է հասարակության նկատմամբ հավատացյալ մարդու պարտականությունների մասին: Որպեսզի պարզվի, որ մարդը պատասխանատու չէ միայն իր կողակցի և երեխաների նկատմամբ: Բացի Աստծուն պաշտելուց, նա պետք է իր ծնողների, բարեկամների, հարևանների, ընկերների և դժբախտ մարդկանց նկատմամբ պատասխանատու  և ուշադիր լինի: Քանի որ որոշ աղջիկներ ու տղաներ, ամուսնությունից անմիջապես հետո հեռանում են իրենց ծնողներից ու բարեկամներից, այստեղ խոսվում է այն մասին, որ մարդու ամենակարևոր պարտականություններից մեկը գթությունն է ուրիշների նկատմամբ: Եվ այստեղ իհարկե, գթությունը ոչ միայն գումարով է, այլ նաև բարությամբ: Այսինքն` եթե մարդը գթություն է ցուցաբերում իր ծնողների, հարազատների, բարեկամների նկատմամբ, համարվում է բարեգործ: Իսկ նրանք որ հրաժարվում են այս ամենից, համարվում են գոռոզամիտ մարդիկ:

Այս այայից սովորում ենք.

1. Պետք է պաշտել Աստծուն և դրա հետ միաժամանակ բարի լինել ուրիշների նկատմամբ: Սա իսլամի ամենակարևոր և համապարփակ պատվիրաններից է:

2. Հավտացյալը չպետք է միայն աղոթի: Իր կյանքի ընթացքում նա պետք է  հասարակական  քայլեր կատարի`Աստծո գոհունակությունը ձեռք բերելու համար:

3. Ծնողների համար, ովքեր Աստծուց հետո մեզ ստեղծելու հարցում հիմնական դերն են կատարում, պետք է ամեն ինչ անել և ապահովել նրանց խաղաղ կյանքը:

4. Հարևանները, ընկերները, գործընկերները ունեն որոշակի իրավունքներ, որոնք պետք է մշտապես հարգել:

Այժմ  կլսենք Նեսա սուրայի 37-րդ այան.

الذين ينجلون ويامرون الناس باالبخل ويكتمون مااتاهم الله من فضله

واعتدنا للكافرين عذابا مهينا

<Ագահները, ովքեր ցանկանում են ագահությունը տարածել մարդկանց մեջ, ծածկում են երկնքի տված հարստությունը: Նրանք անհավատների  հետ միասին կենթարկվեն անարգալից չարչարանքների>:

Այս այան խոսում է այն մասին, որ որոշ մարդիկ ունեն հարստություն, սակայն պատրաստ չեն օգնել աղքատներին: Նրանք այնքան գոռոզամիտ են դարձել, որ պատրաստ չեն օգտվել նույնիսկ կյանքի լիարժեք հնարավորություններից, որպեսզի որևէ մեկը հանկարծ չիմանա այդ մասին և անհանգստացնի իրենց: Ուստի նրանք թաքցնում են իրենց հարստությունն ուրիշներից: Իսկ Ղուրանը նման մարդկանց մասին ասում է, որ նրանք արժանի են չարչարանքների:

Այս այայից սովորում ենք.

1. Որոշ հոգեկան հիվանդություններ, ինչպես` ագահությունը, կարող են տարածվել և թույլ չտալ, որպեսզի հասարակության մեջ տարածվի բարեկեցությունը:

2. Մարդը պետք է մշտապես փառք տա Աստծուն իր ունեցվածքի համար և այն թաքցնելը նշանակում է, որ մարդը երախտապարտ չէ:

3. Բարիքները համարենք Աստծո շնորհը և ոչ միայն մեր ջանքերի արդյունքը, որպեսզի ագահությունը և գոռոզամտությունը չարմատավորվի մեր մեջ:

Այժմ  կլսենք Նեսա սուրայի 38 և 39- րդ այաները.

والذين ينفقون اموالهم رئاء الناس ولايومنون بالله ولاباليوم الاخر ومن

يكن الشيطان له قرينا فساء قرينا و ماذا عليهم لوآمنوا بالله و اليوم

آلاخروانفقوا مما رزقهم الله وكان الله بهم عليما

<Նրանք, որ ցուցամոլության համար ողորմություն կտան և չեն հավատա Աստծուն ու վերջին օրվան, նրանց ընկերը սատանան է լինելու: Թշվառ ընկեր: Ինչ պիտի կորցնեն եթե Աստծուն և վերջին դատաստանին հավատան: Եվ եթե աղքատի գիրկը լցներ Աստծո շնորհած հարստությունը, բարձրյալը չէ՞ր ճանաչի նրանց գործերը>:

Այս այայում ասվում է, որ ագահության պատճառով մարդը հրաժարվում է հավատքից և Աստծուց: Որովհետև հավատքի հիմքը բարեգործությունն է և եթե մարդը բարեգործություն չի անում, դա նշանակում է, որ նա չի կատարում Աստծո պատվիրանը և ուրեմն հարստությոնը ավելի է գերադասում Աստծուց: Բնականաբար, այսպիսի մարդիկ ընդհանրապես բարեգործություն չեն անում և երբեմն իրենց պատվի կամ հասարկական դիրքը պահպանելու համար ցուցամոլություն են անում: Սակայն քանի որ նրանց նպատակը Աստված չէ, նրանք հանդերձյալ կյանքում դրանից ոչ մի օգուտ չեն ստանալու:

Այս այայներից սովորում ենք.

1.Այն բարեգործությունը, որ ցուցամոլության նպատակով է, բարեգործություն չի համարվում:

2. Ցուցամոլ մարդը Աստծուց պարգև ստանալու փոխարեն, ցանկանում է մարդկանցից պարգև ստանալ իր արածների համար:

3. Բարեգործության նպատակը միայն սովածների փորը կշտացնելը չէ այլ այն, որ մարդը հոգեպես մաքրվում և հասնում է Աստծուն:

4. Բարեգործությունը միայն փողով չէ: Եթե մարդը ունի գիտելիք և պաշտոն, դրանք պետք է օգտագործի ընչազուրկների բարօրության համար:

Հարգելի բարեկամներ, ավարտվեց <Ելք դեպի լույս> հաղորդաշարի 122-րդ համարը կարդաց Թ.Խ:Աստված Ձեզ պահապան