Նեսա սուրա: Հանուն գթառատ եւ ողորմած Աստծո: Բարև Ձեզ հարգարժան ռադիոլսող բարեկամներ: Այս հաղորդման ընթացքում կանդրադառնանք Նեսա սուրայի 80-82-րդ այաներին:

Նախ  կլսենք Նեսա սուրայի 80-րդ այան:

من يطع الرسول فقد اطاع الله و من تولي فما ارسلناك عليهم حفيظا /

<Ով որ հնազանդվի մարգարեին, Աստծուն է հնազանդվում: Իսկ ով ետ դառնա, մենք քեզ  նրանց պահապան չենք ուղարկելու>:

Հասարակությունը կառավարելու հարցում գոյություն ունի որոշակի համակարգ, որին պետք է ենթարկվեն մարդիկ: Իսլամը նույնպես անհատական հրամանների շարան չի : Իսլամի տեսակյունից,  մարդու  երջանկությունը պայմանավորված է հասարակության երջանկությամբ: Օրինակ` ողորմություն տալը, ուխտագնացության գնալը և ջիհադը հասարակական այն պատվիրաններից են, որ շատ կարևոր են հասարակության համար: Իսկ Ղուրանի տեսակետից, մարգարեն պետք է ոչ միայն աստվածային պատվերներն ու հրամանները փոխանցի  մարդկանց, նա նաև իսլամական հասարակության ղեկավարն է, որին պետք է հետևեն մարդիկ: Իսկ հակառակ դեպքում, նշանակում է անհավատ դառնալ Աստծո նկատմամբ: Այս այան խոսում է հասարակության նկատմամբ մարգարեի պատասխանատվության շրջանակի մասին: Նույնիսկ որպես ղեկավար, մարգարեն պարտավոր չէ մարդկանց ստիպել ընդունել ճշմարտությունն  ու իրագործել այն: Նրա պարտականությունը ղեկավարելն է և ոչ թե պարտադրելը: 

Այս այայից սովորում ենք.

1. Աստծուն ենթարկվելը միայն աղոթելով ու ծոմ պահելով չէ: Պետք է հետևել նաև աստվածային առաջնորդներին:

2. Մարգարեի պարտականություններից է քարոզել կրոնը և ոչ թե այն պարտադրել: Մարդը պետք է ինքնակամ ընդունի կրոնը:

Այժմ  կլսենք Նեսա սուրայի 81-րդ այան.

و يقولون طاعه فاذا برزوا من عندك بيت طائفه منهم غيرالذي تقول و

الله يكتب مايبيتون فاعرض عنهم و توكل علي الله و كفي بالله وكيلا/

<Նրանք  ասում են՝  հնազանդ ենք: Բայց երբ քեզանից հեռանան, նրանց մեծ մասը քո ասածներից այլ բան կմտածի: Սակայն Աստված նրանց մտածածը գրում է: Արդ, հեռացիր նրանցից և Աստծուն ապավինիր: Եվ Աստծո պաշտպանությունը բավական է>:

Այս այան զգուշացնում է կեղծավորների վտանգի մասին և դիմելով հավատացյալներին, ասում է. <Զգուշացե՛ք, որովհետև ձեր մեջ կան մարդիկ, որոնց հավատքը կեղծավորության վրա է հիմնված: Նրանք արտաքուստ ցույց են տալիս, որ հավատում են, սակայն ներքուստ  ուրիշ բան են մտածում> : Նման մարդկանցից պետք է հեռու մնալ և չսարասփել նրանցից, որովհետև Աստված հետևում է  ու կործանելու է նրանց: Ուրեմն, պետք է հետևել Աստծուն:

Այս այայից սովորում ենք.

 1.   Միշտ պետք է զգույշ լինենք ներքին թշնամիների նկատմամբ և չկարծենք, որ մեր թշնամին սահմաններից այն կողմ է:

2. Միամիտ չլինենք և ամեն տեսակ բարեկամության առաջարակ չընդունենք:

3. Աստված իսկական հավատացյալների պաշտպանն է:

Այժմ  կլսենք Նեսա սուրայի 82-րդ այան.

افلا يتدبرون القرآن ولو كان من عند غيرالله لوجدوا فيه اختلافا كثيرا

<Արդյոք նրանք Ղուրանի մասին չե՞ն խորհում և եթե Աստծուց բացի մեկ ուրիշը լիներ, նրա մեջ շատ հակասություններ պետք է գտնեին նրանք>:

Երբ իսլամի հակառակորդները ոչ մի արդարացում չունեին մարգարեի պարզ տրամաբանության նկատմամբ, նրան տարբեր մեղադրանքներ էին վերագրում: Նրանք ասում էին, որ Ղուրանը Մոհամմեդի մտքի արդյունքն է և կամ նա ուրիշներից է այն լսել: Հենց այս պատճառով էլ Աստված այս այան իջեցրեց, ասելով. Ինչո՞ւ եք կասկածամիտ Ղուրանի այաների նկատմամբ, նրանով հանդերձ, որ այդ այաները մագարեի առաքելության քսան տարիների ընթացքում  ի հայտ են եկել և' պատերազմի և'  խաղաղության ժամանակ: Եթե դրանք լինեին մարդու մտքի արդյունքը, ապա Ղուրանում կլինեին բազմաթիվ հակասություններ: Ղուրանի հրաշքներից մեկը դրա կայունությունն է և այն, որ  այաները մշտապես անփոփոխ են մնացել:

Այս այայից սովորում ենք.

1. Հակառակ նրանց, որ  համարում են թե կրոնը հակառակ է գիտությանը, այս այան ասում է, որ պետք է քննարկել աստվածային այաները` իսլամի ճշմարտությունն իմանալու համար:

3. Ղուրանը հասկանալի է բոլոր սերունդերի  համար և բոլոր ժամանակներում:

4. Եթե մարդիկ համախմբվեն Ղուրանի շուրջ, տարաձայնություններն ու հակասությունները կվերանան, քանի որ Ղուրանում չկան հակասություններ:

Հարգելի բարեկամներ, ավարտվեց <Ելք դեպի լույս> հաղորդաշարի 133-րդ համարը կարդաց Թ.Խ:Աստված Ձեզ պահապան