Նեսա սուրա: Հանուն գթառատ եւ ողորմած Աստծո: Բարև Ձեզ հարգարժան ռադիոլսող բարեկամներ: Այս հաղորդման ընթացքում կանդրադառնանք Նեսա սուրայի 89-91-րդ այաներին:

Նախ  կլսենք Նեսա սուրայի 89-րդ այան:

ودوا لوتكفرون كماكفروا فتكونون سواء فلاتتخذوا منهم اولياء حتي

يهاجروا في سبيل ا فان تولوا فخدوهم و اقتلوهم حيت وجد تموهم ولاتتخذوا

منهم وليا ولانصيرا

<Նրանք ուզեցին ձեզ իրենց նման անհավատ դարձնել և իրենց ամբարիշտության մասնակից: Մի հաստատեք նրանց հետ որևէ կապ, մինչև որ իրենց հայրենիքը թողնեն Աստծո հավատքը պաշտպանելու համար: Երբ խոստովանությամբ անհավատության վերադառնան, բռնեցեք և սպանեցեք: Որտեղ էլ որ նրանց գտնեք, իրենց մեջ ոչ պաշտպան և ոչ բարեկամ մի ունեցեք >:

Այս այան ասում է, որ կեղծավորի էությունն այնքան վատն է և նրանք այնքան չար են, որ ոչ միայն իրենք են անհավատ, այլ ցանկանում են, որ ուրիշներն էլ անհավատ դառնան: Նրանց հետ չի կարելի բարեկամանալ : Դա հնարավոր է միայն այն դեպքում, եթե նրանք հրաժարվեն անհավատությունից և վերադառնան դեպի իսլամ: Ուրեմն եթե այդպես չարեցին, իմացեք, որ նրանք անհավատությունից չեն հրաժարվել: Եվ եթե իմանաք, որ իսլամի անունը չարաշահել են, որտեղ որ նրանց գտնեք, գերեվարեք, կամ անհրաժեշտության դեպքում սպանեք նրանց: Հետաքրքիր է, որ Ղուրանի տեսակետից, հրեաները և քրիստոնյաները, որոնք ապրում են իսլամի իշխանության ներքո, լիովին հարգվում և պաշտպանվում են և ոչ ոք իրավունք չունի նրանց իրավունքները ոտնահարել: Սակայն կեղծավորները, որոնք նպատակ ունեն հարվածել իսլամին, դատվում են ամենադաժան ձևով:

Այս այայից սովորում ենք .

1. Զգույշ եղեք կեղծավորներից և մի ընդունեք նրանց հետ բարեկամությունը, քանի որ նրանք անհավատ թշնամիներից ավելի վատն են:

2. Իսկական հավատքը գաղթն է հանուն Աստծո: Նա, ով չի ցանկանում գաղթել հանուն կրոնի, չի կարող հավատացյալ լինել:

3. Յուրաքանչյուր մեղք ունի զղջում:

Այժմ  կլսենք Նեսա սուրայի 90-րդ այան.

الاالذين يصلون الي قوم بينكم و بينهم ميثاق اوجاوكم حصرت صدورهم ان

يقاتلوكم اويقاتلوا قومهم و لوشاء ا لسلطهم عليكم فلقاتلوكم فان

اعتزلوكم فلم يقاتلوكم والقوا اليكم السلم فماجعل ا لكم عليهم سبيلا

<Այս օրենքը բացառություն է նրանց համար, ովքեր ձեր դաշնակիցների մեջ ապաստան են փնտրել: Նրանք, որ հարկադրված են ձեր դեմ պատերազմել կամ իրենց ազգի դեմ կռվել, եթե Աստված ցանկանա, կարող է նրանց ձեր նկատմամբ գերակշիռ դիրք տալ և նրանք շարունակ պետք է հաղթեն ձեզ: Եթե Բադրում ձեր դեմ կռվել են, ապա հաշտություն են առաջարկել, Աստված արգելում է հարձակվել նրանց վրա>:

Այս այան խոսելով այն կեղծավորների մասին, ովքեր  մուսուլմանների դաշնակիցների հետ կապ ունեն և պայման են կնքել ու նաեւ նրանց մասին, ովքեր հրաժարվում են պատերազմից ու պատերազմելուց և հաշտություն են առաջարկում, ասում է  ե'ւ  առաջին  դեպքում ե'ւ երկրորդ դպքում հարձակվելը  նրանց վրա անարդար կլինի:

Այս այայից սովորում ենք.

1. Քաղաքական և ռազմական պայմանագրերը նույնիսկ անհավատների հետ, հարգանքի են արժանի:

2. Ջիհադը և պայքարը իսլամում, վրեժխնդրության կամ իշխանություն տարածելու համար չէ; Եթե թշնամին պատրաստ է խաղաղության, ուրեմն հրաժարվեք պատերազմելուց և ոչ ոք իրավունք չունի այս դեպքում հարձակվել թշնամու վրա:

Այժմ  կլսենք Նեսա սուրայի 91-րդ այան.

ستجدون آخرين يريدون ان يامنوكم و يامنوا قومهم كلماردوا الي الفتنه

اركسوا فيها فان لم يعتزلوكم و يلقوا اليكم السلم و يكفوا ايديهم فخذوهم

و اقتلوهم حيت ثقفتموهم و اولئكم جعلنالكم عليهم سلطانا مبينا

<Կան ուրիշները, որ ցանկանում են դաշնակից անել ձեր և իրենց ազգի հավատքը: Նրանք  անհնազանդություն են ցույց տալիս  ամեն անգամ, երբ վերադառնում են կռապաշտության և սադրանքի: Եթե շարունակեն ձեր դեմ զենք բարձրացնել և հաշտություն չառաջարկեն  , բռնեցեք նրանց և սպանեք, որտեղ էլ որ գտնեք: Ձեզ տալիս ենք բացարձակ իշխանություն նրանց վրա>:

Մեքքայի մի խումբ բնակիչներ, երբ գալիս էին մարգարեի մոտ, կեղծավորությամբ ասում էին, որ իսլամ են դավանում, սակայն երբ վերադառնում էին Մեքքա, նորից դիմում էին կռապաշտության և սրտակցում էին անհավատների հետ, որպեսզի նրանց կողմից խոշտանգումների չենթարկվեն: Այսպիսով, նրանք փորձում էին շահել երկու խմբի վստահությունը: Իհարկե, նրանք սրտանց անհավատներ էին և երբեմն մասնակցում էին որոշակի դավադրությունների` ուղղված մուսուլմանների դեմ: Այսպիսով իջավ այս այան և ասաց, որ պետք է խիստ լինել այս խմբի նկատմամբ: Որովհետև նրանց վտանգը ավելի մեծ է քան անհավատներինը, որոնք ուղղակի պայքարում են: Սրանք սադրիչներ են և ոչ միայն չեն հրաժարվում պատերազմից, այլ պատերազմ են հրահրում: Ուրեմն պետք է նրանց գերեվարել իսկ եթե դիմադրեն` սպանել:

Այս այայից սովորում ենք.

 1. Մուսուլմանները պետք է ճանաչեն  իրենց թշնամիներին և յուրաքանչյուրի նկատմամբ որոշակի վերաբերմունք ձևավորեն:

2. Պետք է խիստ լինել նրանց հանդեպ, ովքեր ցանկանում են տապալել իսլամական իշխանությունը:

3. Կեղծավորի հատկություններից այն է, որ նրա նպատակը միայն իր բարօրությունն է, ոչ թե իր հավատքի պաշտպանությունը:

Հարգելի բարեկամներ, ավարտվեց <Ելք դեպի լույս> հաղորդաշարի 136-րդ համարը կարդաց Թ.Խ:Աստված Ձեզ պահապան