Նեսա սուրա: Հանուն գթառատ եւ ողորմած Աստծո: Բարև Ձեզ հարգարժան ռադիոլսող բարեկամներ: Այս հաղորդման ընթացքում կանդրադառնանք Նեսա սուրայի 162-165-րդ այաներին:

Նախ  կլսենք նեսա սուրայի 162-րդ այան:

لكن الراسخون في العلم منهم و المومنون يومنون بما انزل اليلك و ما

انزل من قبلك و المقيمين الصلوه و الموتون الزكاه و المومنون بالله و

اليوم الاخر اولئك سنوء تيهم اجرا عظيما /

<Բայց այն հերաները, որոնք հաստատ կմնան իրենց հավատքի մեջ, կհավատան Ղուրանին, հնգամատյանին, աղոթք կանեն ու ողորմություն կտան, կհավատան Աստծուն ու վերջին դատաստանին, շքեղ վարձրատրություն են ստանալու>:

Նախորդ  այաներում նշվել է այն  հրեաների մասին, որոնք սխալ քայլեր էին կատարում: Սակայն այս ցեղի մեջ կային նաև առաքինի մարդիկ, ովքեր որպես իրական հավատացյալներ, ենթարկվում են Աստծուն: Ղուրանն անդրադառնալով նրանց, ասում է. Այդ մարդկանց սրտերում Աստծո հավատքն է բույն դրել և նրանք հավատում են Աստծուն: Աղոթում են և ուշադիր են զրկվածների նկատմամբ: Եվ Աստված նրանց շքեղ կերպով վարձատրելու է: 

Այս այայից սովորում ենք.

1. Ճշմարտությանը և Աստծուն հավատալը սահման չի ճանաչում: Նա, ով հավատա Աստծուն, ինչ ցեղից էլ որ լինի, Աստծո շնորհներին է արժանանալու:

2. Աղոթքը և ողորմությունը կա բոլոր աստվածային կրոններում: Կրոնը առանց ծառայելու իմաստ չունի:

Այժմ  կլսենք Նեսա սուրայի 163-րդ այան.

انا اوحينا اليك كما اوحينا الي نوح و النبيين من بعده و اوحينا الي

ابراهيم و اسماعيل و اسحاق و يعقوب و الاسباط و عيسي و ايوب و يونس و

هارون و سليمان و اتينا داود زبورا

<Ով մարգարե, մենք քեզ ներշնչեցինք ինչպես ներշնչել էինք Նոյին և իրենցից հետո եկող մարգարեներին`Աբրահամին, Իսմայիլին, Իսահակին, Հակոբին, տասներկու ցեղերին, Հիսուսին, Հովնանին, Ահարոնին և Սողոմոնին, Դավթին սաղմոս տվեցինք>:

Այս այան, խոսելով մարգարեների առաքելության մասին, ասում է. Ինչու՞ քրիստոնյաները և հրեաները, ովքեր իրենք աստվածային կրոնների հետևորդներ են, զարմանում են, որ Ղուրանը քեզ ներշնչել ենք: Միթե՞ նրանք չգիտեն, որ Աստված պատմության ընթացքում շատ մարդկանց, այդ թվում` Մովսեսին ու Հիսուսին ընտրել է որպես Մարգարե և նրանց գիրք է տվել: Ուրեմն ինչու՞ պատրաստ չեղան ընդունել քո նկատմամբ ներշնչանքը և չհավատացին քո առաքելությանը:

Այս այայից սովորում ենք.

 1. Բոլոր աստվածային կրոնների նպատակը մեկն է, որովհետև նրանց բոլորի աղբյուրը միակ Աստվածն է:

2. Ուշադրություն դարձնելով պատմության մեջ մարգարեության ընթացքին, հնարավոր է հավատալ իսլամի մարգարեի առաքելությանը:

Այժմ  կլսենք Նեսա սուրայի 164 և 165-րդ այաները.

و رسلا قد قصصناهم عليك من قبل و رسلا لهم نقصصهم عيلك و كلم ا موسي

تكليما / رسلا مبشرين و منذرين لئلايكون للناس علي ا حجه بعدالرسل و

كان ا عزيزا حكيما /

<Մենք քեզ ծանոթացրինք մեր մարգարեների մի մասին: Կան ուրիշներ էլ, որ քո մասին չենք պատմել: Աստված իրապես խոսեց Մովսեսի հետ: Մենք նրանց ուղարկեցինք խոստումներով ու սպառնալիքներով, որպեսզի մարդիկ այլևս չունենան իրենց հանցանքների համար արդարացում հզոր Աստծո առջև>:

Այս այայում խոսելով մարգարեների մասն, Ղուրանն ասում է. Մի կարծեք, որ աստվածային առաքելությունը սահմանափակվում է միայն մի քանի մարգարեներով: Որոշ մարգարեների մասին չի խոսվում անգամ Ղուրանում: Այնուհետև Ղուրանն ասում է . Մարգարեների իսկական գործն այն է, որ մարդկանց ավետիս տան և խոսեն այն վտանգների մասին, որ սպառնում են նրանց: Որպեսզի դատաստանի օրը մարդիկ չասեն թե չգիտեին, որն է ճիշտ և որը` սխալ:

Այս այաներից սովորում ենք.

1. Մարդու կյանքը չի բավականացնի, որպեսզի ամբողջ մարդկային պատմությունը լսի, պատմության բոլոր իրադարձությունների մասին տեղեկանա և ոչ էլ դրա կարիքը ունի:  Եթե մարդը լսող է, մեկ խրատն էլ նրան բավական է: Ուստի Ղուրանն անդրադարձել է այն դեպքերին, որոնք կարող են խորհելու տեղիք տալ:

2. Ճշմարտությունը պարզ է : Առքյալների գործը դրդելը չէ: Նրանք կարող են զգուշացնել սպառնալիքի և հույս տալու միջոցով:

3. Թեև բոլոր մարգարեների և Աստծո միջև գոյություն ուներ հաղորդակցություն, սակայն քանի որ Մովսեը ծանր առաքելություն ուներ փարավոնի դեմ պայքարում, նրա կապը Աստծո հետ ավելի շատ էր:

Հարգելի բարեկամներ, ավարտվեց <Ելք դեպի լույս> հաղորդաշարի 152-րդ համարը կարդաց Թ.Խ:Աստված Ձեզ պահապան