Մաեդե սուրա: Հանուն գթառատ եւ ողորմած Աստծո: Բարև Ձեզ հարգարժան ռադիոլսող բարեկամներ: Այս հաղորդման ընթացքում կանդրադառնանք Մաեդե սուրայի 69-71-րդ այաներին:

Նախ  կլսենք Մաեդե սուրայի 69-րդ այան:

ان الذين آمنوا والذين هادوا والصابئون و النصاري من آمن بالله و

اليوم الاخر و عمل صالحا فلا خوف عليهم و لاهم يحزنون

<Հավատացյալները, հրեաները, քրիստոնյաները, սաբեականները, մեկ բառով` նրանք, որ հավատում են վերջին դատաստանին և բարի գործեր են կատարում, երկյուղից և չարչարանքից զերծ կլինեն>:

Այս այան խոսում է այն մասին, որ Աստվածային կրոններից ոչ մեկը չի գերազանցում մյուսին, մուսուլմանները, հրեաները, քրիստոնյաներն ու սաբեականները, չեն գերազանցում մեկը մյուսին: Նրանք են Աստծո մոտ արժևորվում, ովքեր հավատում են միակ Աստծուն և բարի գործեր են անում:

Այս այայից սովորոմ ենք.

1.Բոլոր աստվածային կրոնների համար, երջանկությունը հավատքի և բարի գործի մեջ է:

2.Մարդկանց մեջ այն ժամանակ խաղաղություն կհաստատվի, երբ հավատքը  տարածվի աշխարհում և  մարդը հավատա Աստծուն ու հանդերձյալ կյանքին:

Մաեդե սուրայի 70-րդ այա.

لقد اخذنا ميثاق بني اسرائيل و ارسلنا اليهم رسلا كلما جاء هم رسول

ب مالاتهوي انفسهم فريقا كذبوا و فريقا يقتلون

<Մենք ընդունեցինք հրեաների ուխտը և մարգարեներ ուղարկեցինք նրանց: Ամեն անգամ, որ նրանց ճշմարտություններ կհայտնեինք Իսրայելի զավակներն իրենց ապականված սրտերով մերժում էին հավատալ, իսիկ Աստծո մարգարեներին, իբրև ստախոս, զրպարտում էին կամ անօրինաբար սպանում>:

Երբ Մովսեսը Իսրայելի ժողովրդին փրկեց փարավոններից, պարտավոր եղավ նրանց հետ դաշինք կնքել, որպեսզի հավատան աստվածային պատվիրաններին: Սակայն մարդիկ մերժեցին դա: Եվ Ղուրանը խոսելով այս մասին, ասում է նրանք, ոչ միայն չհավատացին այդ պատվիրաններին, այլ նույնիսկ մերժեցին դրանք ու սպանեցին մարգարեների: Այս այան զգուշացնում է մուսուլմաններին, որ երբեք չմոռանան մարգարեի պատվիրանները:

Այս այայից սովորում ենք.

1. Մարգարեների առքելությունը ժխտելը անհավատաների կողմից, հիմնված չէ տրամաբանության վրա: Կրոնները կառավարում են մարդկանց բնազդները, որպեսզի մարդը զարգանա հոգեպես և բարոյապես:

 2. Ապականված հասարակութան մեջ բարեգործները սպանվում են կամ մերժվում:

Այժմ  կլսենք Մաեդե սուրայի 71-րդ այան.

و حسبوا الا تكون فتنه فعموا و صموا ثم تاب الله عليهم ثم عموا و

صموا كثير منهم والله بصير بما يعملون

<Նրանք կարծեցին, թե իրենց ոճիրները անպատիժ կմնան, որովհետև կույր և խուլ մնացին: Աստված ներեց նրանց, բայց նրանց մեծ մասը կրկին ընկավ կուրության մեջ: Հավիտենականը տեսնում է նրանց արարքները>:

Ինչպես նախորդ մասերում ասացինք, հրեա ժողովուրդը միշտ կարծել է, որ գերազանցում է ուրիշ ժողովուրդներին և արտոնյալ դիրք ունի, ուստի երբեք Աստծո կողմից փորձության չի ենթարկվի: Այս սնապարծությունը պատճառ դարձավ, որ նրանք կուրանան և խլանան ու չկարողանան տեսնել ու հասկանալ ճշմարտությունը: Իհակե, Աստված անսահման բարի է և մշտապես ներում է մարդկանց սխաները: Ուստի Աստված բազմիցս ներել է նրանց սխալները և ընդունել, երբ նրանք զղջացել են:

Այս այայից սովորում ենք.

1. Սնապարծությունը մարդուն հեռացնում է ճշմարտությունից:

2. Թեև մարդը ժխտում է Աստծուն, և չի տեսնում նրա գոյությունը իր կյանքում, սակայն Աստված նրան տեսնում է:

Հարգելի բարեկամներ, ավարտվեց <Ելք դեպի լույս> հաղորդաշարի 174-րդ համարը կարդաց Թ.Խ:Աստված Ձեզ պահապան