ՀԳՀԾ-ի ճակատագիրը Թրամփի կառավարության վարկածով(4)

2005 թ.-ի օգոստոսին ԱՄՆ-ի հետախուզական  կառույցները առանց վավերական փաստեր ներկայացնելու հայտարարեցին, որ Իրանը փորձում է «Շահաբ-3» տեսակի հրթիռները զինել միջուկային մարտագլխիկներով:

Այն ժամանակ դժվար էր ենթադրել, որ միջազգային մակարդակում Իրանի միջուկային հարցի շուրջ հնարավոր է հասնել համաձայնության:  Սակայն, 2015 թ.-ի հունիսին ստորագրվեց  Համատեղ գործողությունների համապարփակ ծրագրի համաձայնությունը, որը հաստատվեց նաև ՄԱԿ-ի Անվտանգության  խորհրդի կողմից: ՀԳՀԾ-ից հետո էլ ԱՄՆ շարունակեց իր թշնամությունը Իրանի դեմ:

 ԱՄՆ-ի նախագահ Դոնալդ Թրամփը ՀԳՀԾ-ը վատ պայմանագիր է բնութագրել  և ասել է չեղարկելու է այդ համաձայնությունը: Չնայած Թրամփի հակասական հայտարարություններին, սակայն նրա խորհրդատուները ասել են եթե նույնիսկ ԱՄՆ-ի նախագահը  չփորձի չեղարկել ՀԳՀԾ-ն, մեծ հավանականությամբ նոր խոչընդոտներ կհարուցի դրա գործադրման ուղղությամբ: 

ԱՄՆ-ի դիրքորոշումը Իրանի դեմ ցույց է տալիս, որ այդ երկիրը տարբեր պատրվակներով միշտ փորձել է հարվածել Իրանին: Տարբեր պատրվակների, այդ թվում  Միջուկային գիտության հասանելիության, Իրանի հրթիռային կարողության կամ ահաբեկչական խմբերին աջակցելու  մեջ Իրանին մեղադրելու միջոցով  ԱՄՆ-ը փորձում է իրանաֆոբիա տարածել աշխարհում: Վերջին 40 տարիների ընթացքում ԱՄՆ-ը փորձել է այդ պատրվակները օգտագործել Իրանի դեմ: 

Հոլիվուդյան «Փախուստ Թեհրանից» «300» ,«Սրբազան վախը» և «Առանց դստերս երբեք» հակաիրանական ֆիլմերից  սկսած մինչև Իրանի դեմ արտակարգ իրավիճակ հաստատելու օրենքի վավերացմամբ կամ Իրանի հրթիռային փորձարկման հարցը ՄԱԿ-ի Անվտանգության խորհրդին ներկայացնելը  բոլորն այն քայլերից են, որ ԱՄՆ-ը օգտագործել է Իրանի դեմ: Այս պատրվակները այնպես են ձևակերպվել, որոնք կարողացել են քաղաքական լարվածություն առաջացնել Իրանի և նրա հարևանների միջև:

ԱՄՆ-ը փորձում է սպառնալից, անորոշ և ագրեսիվ բառերով Իրանին ներկայացնել որպես այլ երկրներին սպառնացող վտանգ և  այդ հակաքարոզչություններով նաև փորձում է Իրանին մեկուսացնել տարածաշրջանում և աշխարհում:

Արևմտյան ԶԼՄ-ները Իրանի մասին կեղծ ու խեղաթյուրված լուրեր տարածելով փորձում են հանրային կարծիքը շեղել իրականությունից և Իրանին ներկայացնել, որպես սպառնալիք տարածաշրջանի երկրների համար: Այդ հակաքարոզչությունը համալրվում է տարածաշրջանի երկրների ներքին գործերին միջամտելու վերաբերյալ Իրանին առաջադրված մեղադրանքով:

Իրանաֆոբիա տարածելով ԱՄՆ-ը և նրա դաշնակիցները նախ նպատակ ունեն ավելի դյուրացնել սպառազինության վաճառքի գործընթացը Իրանի հարևան երկրներին, իսկ հետո ենթահող ստեղծել իրենց ռազմական բազաները տեղակայելու տարածաշրջանում: ԱՄՆ-ի կոնգրեսի որոշ ներկայացուցիչներ  վերոնշյալ նպատակին հասնելու համար Իրանի դեմ ուղղված հոգեբանական պատերազմի շրջանակում փորձում են Իսլամական պահակազորի անունը  ներառել ահաբեկչական խմբերի սև ցուցակում: 

Իրանաֆոբիա տարածելու ուղղությամբ ԱՄՆ-ի քայլերը վկայում են այն մասին,որ Վաշինգտոնը փորձում է պատճառաբանել իր կողմից Իրանի դեմ կատարած քայլերը: ԱՄՆ-ն  իրանաֆոբիա տարածելով և Իրանի հրթիռային ծրագիրը,  որպես սպառնալիք ներկայացնելով փորձում է իր հրթիռային համակարգերը տեղակայել տարածաշրջանի արաբական երկներում և փոփոխության ենթարկել տարածաշրջանային հեգեմոնիան ի վնաս ԻԻՀ:

Մանամայում կայացած Անվտանգության 4-րդ համագումարի շրջանակում ԱՄՆ-ի պաշտպանության նախկին նախարար Ռոբերտ Գեյթսն առաջարկեց Իրանի հրթիռների վտանգին դիմակայելու նպատակով հակահրթիռային համակարգեր տեղակայել Պարսից ծոցի համագործակցության խորհրդի անդամ երկրներում: Այս քաղաքականությունը ներկայումս շարունակվում է ԱՄՆ-ի նախագահ Դոնալդ Թրամփի վարչակազմի կողմից:

Այս քաղաքականությունով ԱՄՆ-ը փորձում է մարտահրավեր նետել Իրանի պաշտպանական ներուժին: Այսպես նրանք պարզապես հայտարարել են, որ մտահոգված են Իրանի հրթիռային կարողություններով:  ԱՄՆ-ի կողմից Իրանի դեմ ծավալված քարոզչության ազդեցությունը կարելի է նկատել Իրանի միջուկային գործունեության դեմ  Պարսից ծոցի համագործակցության խորհրդի անդամ երկրների ընդունած դիրքորոշման մեջ:

Պարսից ծոցի համագործակցության խորհրդի դիտանկյունից Իրանի միջուկային գործունեությունը և Իրանի պաշտպանական կարողությունը սպառնում է տարածաշրջանի անվտանգությանը: Այդուհանդերձ Պարսից ծոցի համագործակցության խորհրդի անդամ երկրները փորձում են երկդիմի դիրքորոշում ընդունել Իրանի և ԱՄՆ-ի միջև հարաբերությունների նկատմամբ: Նրանք մի կողմից չեն ցանկանում Իրանի և ԱՄՆ-ի հարաբերությունները կարգավորված տեսնել, իսկ մյուս կողմից չեն ուզում նրանց միջև հարաբերությունների լարվածությունը հանգեցնի զինյալ բախման: Սաուդյան Արաբիայից բացի Պարսից ծոցի համագործակցության խորհրդի անդամ երկրները չունեն ռազմավարական ազդեցություն, հետևաբար Իրանի և ԱՄՆ-ի միջև հարաբերությունների լարվածությունը կարող է վնասել նրանց շահերին:

Մյուս կողմից նրանք փորձում են Իրանին թուլացնել և գաղտնի ձևով աջակցում են Իրանի ռազմական և հրթիռային արդյունաբերության դեմ ուղղված շրջափակումներին: Հետևաբար շատ հավանական է, որ ԱՄՆ-ի կոնգրեսը նոր շրջափակումներ սահմանի Իրանի դեմ: 

Այս տեղաշարժերը վկայում են այն մասին, որ իրանաֆոբիա տարածելու գլխավոր նպատակն է լարվածություն առաջացնել Իրանի և Պարսից ծոցի արաբական երկրների հարաբերություններում: 

Տարածաշրջանի երկրներին սպառազինություն վաճառելու նպատակով և  ռազմական դաշինքներ կնքելով ԱՄՆ-ը փորձում է   Իրանին մեկուսացնել տարածաշրջանում և  կայուն անվտանգությունը թուլացնելով իր ներկայությունն արդարացնել տարածաշրջանում: 

ԱՄՆ-ի նախկին նախագահ Ջորջ Բուշը  ավելի վաղ հայտարարել էր, որ ԱՄՆ-ը նպատակ ունի հարձակվել 7 երկրների վրա, որոնցից մեկը Իրանն էր:  

Օբաման ևս փափուկ պատերազմի միջոցով և դիվանագիտական ձևով շարունակում էր նույն քաղաքականությունը: Իսկ այժմ ԱՄՆ-ի նախագահ Դոնալդ Թրամփը արգելել է 7 առավելապես մուսուլման երկրների քաղաքացիների մուտքն այդ երկիր:

Արաբական Sky News կայքը հաղորդել է, որ ԱՄՆ-ի նոր վարչակազմն Իրանի հետ համագործակցության համար խոչընդոտների է հանդիպել: Sky News-ը հավելել է.-«Թվում է, Դոնալդ Թրամփը քայլում է հանրապետականների որդեգրած հակաիրանական քաղաքականության ուղղությամբ»: Հանրապետականները ոչ միայն փորձում են նոր շրջափակումներ կիրառել Իրանի դեմ, այլև սահմանափակել Իրանի հրթիռային ծրագրերն ու Իսլամական պահակազորի գործունեությունը: 

Սակայն, որոշ հանրապետականներ ասում են Թրամփը չի արձագանքել Իրանի հետ միջուկային հարցով վերստին բանակցություններ վարելու և նոր շրջափակումներ սահմանելու կապակցությամբ նրանց ներկայացրած առաջարկներին:

 Sky News կայքը հավելել է.-«Փորձագետների կարծիքով Թրամփին չի հաջողել միջուկային բանակցություններին մասնակցող  Վաշինգտոնի դաշնակից մյուս պետություններին համոզել միանալ այդ քաղաքականությանը»: Միջազգային հանձնառությունները խախտելուց բացի, դեմոկրատականները և նույնիսկ որոշ հանրապետականներ Դոնալդ Թրամփին հորդորում են Իրանի հետ հարաբերություններում ավելի զգույշ լինել:

Իսլամական Հեղափոխության մեծարգո Առաջնորդ 22 Բահմանի առիթով  ունեցած իր ելույթում անդրադառնալով ԱՄՆ-ի նախագահի կողմից Իրանի դեմ հնչեցված սպառնալից խոսքերին ասաց.-«Սպառնալիքները չեն կարող ազդել Իրանի վրա»: 

Մեծարգո Առաջնորդն հավելել է.-«Իրանը ոչ ոգու չի սպառնում և երբեք որևէ պատերազմ չի հրահրել, սակայն Իրանը պատրաստ է դիմագրավել բոլոր սպառնալիքներին»:

Այսօր որոշ կախյալ ռեժիմներ այդ թվում Սաուդյան Արաբիան կարծում են, որ Թրամփի որդեգրած քաղաքականությունները կարող են ապահովել նրանց անվտանգությունը, սակայն դա միայն պատրանք է , քանի որ ԱՄՆ-ը երբեք չի փորձել անվտանգություն հաստատել տարածաշրջանում այլև միշտ քայլել է հակառակ ուղղությամբ և փորձել է ճգնաժամ հարուցել տարածաշրջանում: