Үлемдер Израильмен қарым-қатынас жасауды харам деп жариялады
Пайғамбар әулеті әлемдік ұйымның бас хатшысы Мұхаммад Хасан Ахтари ислам елдері үлемдерінің діни пәтуалар шығарып, Израильмен қарым-қатынас жасауды харам деп жариялағанын хабарлады.
Иран Телерадио ақпарат агенттігінің мәліметі бойынша, Мұхаммад Хасан Ахтари "Ислам бірлігі" атты 32-ші халықаралық конференцияның жабылу рәсімінде сөйлеген сөзінде бұл басқосуды Палестина халқын қорғау үшін жақсы мұрсат деп атап, халықаралық құқықтық ұйымдар мен жеке меншік ұйымдарынан мәлімдеме жариялап, сионистік режимнің қылмыстары мен басып-жаншуларын айыптауды сұрады.
Пайғамбар әулеті әлемдік ұйымның бас хатшысы имам Хомейни мен аятолла Хаменеидің Палестина халқына қолдау көрсету қажеттігі туралы сөздеріне сілтеме жасап: «Палестина халқы басқа мұсылман халықтардың қолдауымен күрестерін жалғастырып келеді. Палестина мәселесі мұсылмандардың бірлігіне себеп болады»,- деп қуаттады.
