Иран ядролық жұмыстарын жалғастырады
Иранның Атом қуаты ұйымының басшысы Салехи ИИР-ның барлау, өндіру, уран байыту, атом электр стансаларын салу және жаңа центрифуга салаларындағы ядролық жұмыстарын жалғастыратынын мәлімдеді.
Әлиакбар Салехи сейсенбі күні Иранның төртінші телеарнасына берген сұхбатында: «Ортақ қадам» жан-жақты бағдарламасының техникалық тұрғыдағы пікірталастары Иранға келісім бұзылмай-ақ, ядролық жұмыстарын іске асыратын мүмкіндік беруді қарастырған болатын»,- деді. Салехи Ислам революциясы жетекшісінің ядролық өнеркәсіптің жұмысын «Ортақ қадам» жан-жақты бағдарламасына байланысты тоқтатуға рұқсат етпегеніне тоқталып: «Ислам революциясының жетекшісі уран байытуды 190 000 ЕРР (бөлу жұмысының бірлігі) көлеміне жеткізу үшін қажет жұмыстарды жылдамдатуды бұйырған соң бұл салада жақсы жетістіктерге қол жеткіздік»,- деді. Иранның Атом қуаты ұйымы басшысының айтуы бойынша, шамамен алдағы 10 күнде 30 тонна Yellowcake уран концентраты Ардакан қаласынан Исфаһанға жеткізіледі.