Рухани: Елдің дамуы жалғаса береді
Maм 27, 2021 17:14 Asia/Almaty
ИИР Президенті елдің даму жолының жалғаса беру қажеттігін қуаттады.
Iran Press ақпарат агентігінің хабарлауынша, Хасан Рухани бейсенбі күні Иранның Мәдени мұра, туризм және қолөнер министрлігінің ұлттық жобаларын ашу рәсімінде: «Келесі үкімет те апта сайынғы ұлттық жобаларды ашу бағдарламасын жалғастыра алады. Елдің даму үдерісі жалғасуы тиіс»,-деді.
Рухани: «Осы үкіметтің заңды талпыныстарының арқасында жылдар бойы бөгде елдерде болған Иранның 2723 тарихи жәдігері қайтарылды»,-деді.
Рухани: «Санкцияларды жою оларды қалайша жою туралы толық келісімге келген соң жүзеге асырылады. Коронавирусты ауыздықтап, санкциялар жойылғаннан кейін Иран халқына өте жақсы жағдай қалыптасады деп үміттенемін»,-деді.