Иранның батысында екі мың соғыс қаруы табылды
Қаң 31, 2023 08:14 Asia/Almaty
Иранның батысындағы Илам облысында екі мың соғыс қаруы мен 12 мыңнан астам оқ табылды.
IRNA ақпарат агенттігінің хабарлауынша, Иран қауіпсіздік күштерінің талпыныстарымен Илам облысында заңсыз қару-жарақпен айналысатын үш ұйымдасқан топ анықталып, соған байланысты адамдар тұтқындалды. Сондай-ақ қамауға алынғандардан 2 мың дана соғыс қаруы мен 12 мыңнан астам патрон тәркіленді.
Илам қаласында да қомақты мөлшерде мылтық, күкірт, тротил, жарылғыш заттар жасауға арналған шикізат, аңшылық камералары тәркіленді, сонымен қатар оқ пен жарылғыш заттар шығаратын цех жойылды.