Иранның мұнай емес сыртқы саудасы 76,5 миллиард долларға жетті

ParsToday - Иран кеденінің соңғы статистикасына сәйкес, мұнай емес сыртқы сауда алғашқы 8 айда 76,5 миллиард доллардан асты.

Иран кедені дүйсенбідегі есебінде жариялады: «Иранның осы жылдың алғашқы 8 айында сыртқы саудасы 131 миллион 54 мың тоннаға жетіп, 76 миллиард 537 миллион долларды құрады. ParsToday мәліметі бойынша, сыртқы сауданың бұл көлемі салмақ бойынша 1,53 пайызға өскен».

Есепте былай делінген: «Осы кезеңде әртүрлі елдерге 36 миллиард 997 миллион долларға 105 миллион 231 мың тонна әртүрлі тауарлар экспортталды, бұл өткен жылдың сәйкес кезеңімен салыстырғанда салмағы бойынша 1,17 пайызға өскен».

Осы есепке сәйкес, биылғы жылдың алғашқы 8 айында Иранға 39 миллиард 540 миллион долларға 25 миллион 823 мың тонна тауар импортталған.