Генерал-майор Абдуллахи: Біз жаңа қорғаныс жүйелерін орналастырып жатырмыз

ParsToday – Хатам әл-Әнбиа базасының қолбасшысы АҚШ-тың Иран қарулы күштерінің мүмкіндіктері туралы мәлімдемелеріне жауап ретінде былай деді: «Қазіргі жағдайларға бейімделу тұрғысынан біздің жабдықтарымызды жаңарту процесі үнемі дамып келеді».

ParsToday Иран Телерадио бірлестігі хабар тарату агенттігіне сілтеме жасап хабарлауынша, ИИР Хатам әл-Әнбиа базасының қолбасшысы генерал-майор Әли Абдуллахи американдықтардың Иранның қорғаныс және әскери техникасын толығымен жойғаны туралы мәлімдемесі туралы сұхбатында былай деді: «Жау біздің әскери секторымызды теңіз, әуе және зымыран салаларында жойып жіберді деп бірнеше рет мәлімдеді; бірақ біз әрқашан шайқас алаңында барлық мүмкіндіктеріміз сақталғанын көрсеттік. Біз жаулармен соңына дейін шайқасамыз және оларды сәәтсіздікке ұшыратамыз».  

Ол сондай-ақ қарулы күштердің қорғаныс жүйелерінің соңғы жағдайына қатысты былай деп мәлімдеді: «Қазіргі жағдайларға бейімделу тұрғысынан біздің жабдықтарымызды жаңарту процесі үнемі дамып келеді және бұл салада айқын көрінеді».

Иранның әуе қорғанысы үшінші таңылған соғыста бұрынғыға қарағанда әлдеқайда жақсы нәтиже көрсеткенін айта келе, генерал-майор Абдуллахи: «Біз жаудың әуе шабуылдарына қарсы тұру үшін бұрынғыдан да көбірек жаңа жүйелерді қолданамыз», - деді.