Қазақстанның 12 азаматы "лаңкестік әрекеттер жасады" деген айыппен түрмеге кесілді
Ақтөбе қаласының сот мекемесі осы қаланың 12 тұрғынын лаңкестік әрекеттер жасауға ұмтылды деген айыппен 6-8 жылға дейін бас бостандықтарынан айыруға үкім шығарды.
«Фарс» ақпарат агенттігінің «Қазинформға» сілтеме жасап хабарлауынша, Ақтөбе қаласының сот мекемесі бүгін сейсенбі күні ДАИШ- тің мүшесі болып, Сирияға сапар шегуді мақсат еткен осы қаланың 12 тұрғынын 6-8 жылға дейін бас бостандығынан айыруға үкім шығарды.
Сот мекемесінің баспасөз бюросының хатшысы Анар Айтжанова: «Сотталған кісілер ғаламтор арқылы өздерін қызметке алғандармен халықаралық лаңкестік ұйымдарға қосылу үшін байланыста болып, Өзбекстан мен Қырғызстанның жалған паспортын алуға талпыныс жасады. Сондай- ақ олардың бірі осы топты қаржымен қамтамасыз етіп келген.
Осы кісілерді құрықтау кезінде банк есеп шотынан бір миллион теңге (шамамен 3 мың доллар), қолдарынан 5 мың 700 доллар қаржы тәркіленді» деді.
Қазақстан қауіпсіздік қайраткерлерінің айтуынша, қазіргі кезде осы елдің 400 азаматы ДАИШ лаңкестік тобының құрамында Сирия мен Ирактағы соғыстарға қатысып жатыр.