Сирияның Алеппо қаласында қақтығыстар орын алды
Сирия армиясының елдің солтүстігіндегі Алеппо қаласының оңтүстік-батысында лаңкестік топтармен қақтығыстарының жалғасында кемінде 70 лаңкес өлтірілді.
Ливанның «al-Mayadeen» телеарнасының хабарлауы бойынша, «Сирия соғысы» ақпарат құралы дүйсенбі күні осы ел армиясының Алеппоның айналасындағы тәкфиршілердің жиынын зеңбірек және зымыранмен атқылағанын, соның салдарынан лаңкестердің ауыр шығын көргенін хабарлаған.
Осындай жағдайда Сирияның бір әскери дереккөзі: «Осы елдің қауіпсіздік күштері армияның әуеден зымырандық шабуылдарының қолдауымен өткен 10 күн ішінде Алеппо қаласының оңтүстік-батысындағы аудандарда жүздеген лаңкестің көзін жойды»,-деп хабарлады.
Қарулы лаңкестер Сирия армиясының Алеппоның шығыс бөлігіндегі қоршауын бұза алмады. Алеппо қаласының оңтүстік-батысындағы аудандарда армия мен лаңкестер арасында ауыр қақтығыстар жалғасуда.
