Велаяти: Қарсыласу алқасы аймақтың біртұтастығының себебі
ИИР-ның Жүйе мүддесін анықтау алқасының стратегиялық зерттеулер орталығының төрағасы қарсыласу алқасын аймақтың біртұтастығының себебі деп атады.
Иран Телерадио бірлестігінің ақпарат агенттігінің мәліметі бойынша, ИИР-ның Жүйе мүддесін анықтау алқасының стратегиялық зерттеулер орталығының басшысы Әлиакбар Велаяти бейсенбі күні Ирактың ән-Наджба қозғалысының хатшысы Акрам Кабимен кездесуінде: «Иран, Ирак және Сирияның бірлігі аймақты сионистер мен америкалықтардан құтқара алады»,- деп қуаттады.
Жүйе мүддесін анықтау алқасының стратегиялық зерттеулер орталығының басшысы Ирактағы діни билік пен шынайы демократияны бұл ел халқының дұшпандардың алдындағы таяудағы жеңістерінің себептері деп атап, Ирактағы демократияны араб әлемінде кездеспейтін демократия деп атады.
Ирактың ән-Наджба қозғалысының хатшысы Акрам Каби де бұл кездесуде Иранның лаңкестікпен күресу соғысында Ирак, Ливан және Сирияға көрсетіп отырған қолдауларына алғыс айтып: «Ирак халқы америкалықтарды қажет етпейді, өйткені олар Иракты қайтадан басып алып, Мосулде әскери базаларын орналастырғысы келеді»,- деді.
