Түркияның оңтүстігінде жарылыс болды
Түркияның оңтүстігінде орналасқан Адана облысында жарылғыш зат орнатылған көлік жарылысы салдарынан екі адам қаза болып, 16 адам жараланды.
Иран Телерадио ұйымы ақпарат агенттігінің хабарлауы бойынша, Адана облысының әкімі Махмуд Демирташ: «Жарылыс бейсенбі күні таңертең облыс әкімшілігі автотұрағының кіреберісінде бомба орнатылған көлікте орын алып, 5 көлік пен ғимараттарға шығын келтірді» деп мәлімдеді.
Келіп түскен хабарларға сәйкес, жарылыстың қуатты болғаны сондай, 10 шақырым жерден жарылған дауысы естіліп, қауіпсіздік күштері адамдардың Адананың облыс әкімшілігіне шектесетін көшелерден өтуіне тосқауыл жасаған.
«Reuters» ақпарат агенттігінің хабарлауы бойынша, Түркияның Еңбек министрі де бейсенбі күні Түркияның Адана қаласында орын алған жарылысты Түркия Күрдістанының Жұмысшылар Партиясының (ПКК) мүшелері ұйымдастыруының ықтималы зор деп мәлімдеген.
Түркияның оңтүстік-шығыс аймақтары әрдайым ПКК мен Түркияның үкіметтік күштері арасындағы шайқас алаңы болып отыр.
