Генерал-майор Хатами: Егер Иран сауда жасамаса, ешкім сауда жасай алмайды
ParsToday - Иран Ислам Республикасы армиясының Бас қолбасшысы жауға ескерту жасады: «Егер Иран сауда жасай алмаса, егер Иран өмір сүре алмаса, ешкім сауда жасай алмайды және өмір сүре алмайды».
ParsToday Иран Телерадио бірлестігі хабар тарату агенттігіне сілтеме жасап хабарлауынша, Иран Ислам Республикасы армиясының Бас қолбасшысы генерал-майор Амир Хатами «жаудың қателігі, егер Революция жетекшісін, егер біздің қолбасшыларымызды шәһид етсе, ел күйрейді деп ойлағанында» деп тоқталып: «Таңдалған соғыс шешуші кезеңде, себебі соғыс әлі аяқталған жоқ. Біз жеңдік, енді бұл жеңісті сақтап қалуымыз керек», - деді.
Ол былай деп қосты: «Агрессор жау ауыр соққыларға ұшырады, бірақ біз әлі де ирандық сарбаздардың ауыр соққыларына дайын болуымыз керек».
Иран армиясының Бас қолбасшысы былай деп атап өтті: «Жау беделінен айырылуда. Олар шатасып, үмітсіз және отанның сарбаздары деп санайтын 90 миллион адаммен не істерін білмей отыр».
Генерал-майор Хатами былай деп баса айтты: «Иран жаулардың шектен шығуы мен үстемдігінің орны емес. Біз мұны бірнеше рет айттық, егер аймақ қауіпсіз болғысы келсе, бұл қауіпсіздік барлығына ортақ болады. Біз бұл аймақтың көптеген жылдар бойы иесі бола тұрып, барлық нәрселерден айырыла алмаймыз. Басқалардың басқа жерден, алыстан келіп, осының бәрін пайдалануы мүмкін емес. Бұл арман орындалмайды».
Ол былай деп қосты: «Егер Иран сауда жасай алмаса, егер Иран өмір сүре алмаса, ешкім сауда жасай да, өмір сүре де алмайды. Ормуз бұғазы - біздің ар-намысымыз бен абыройымыздың бұғазы, сондықтан Иран халқы бұл үлкен логистикалық ортадан мақрұм қалып, ел жауларына оны пайдалануға рұқсат етілмейді».
Иран армиясының Бас қолбасшысы аймақтағы көршілер мен елдерге: «Мен ирандық сарбаз ретінде аймақтағы барлық көршілер мен елдерден осы мәселеге назар аударуды сұраймын. Көріп отырғандарыңдай, Америкамен ынтымақтастық қауіпсіздікті қамтамасыз етпейді. Аймақтың қауіпсіздігі аймақ ішінде және аймақтағы елдердің өз қолында, және ол осылай болады», - деді.
