Түркия Иранмен сауда қатынасында ұлттық валютаны пайдалануға талпыныс жасап жатыр

Түркия Президенті елінің ИИР, Қытай және Ресеймен сауда қарым-қатынасында ұлттық валютаны қолдануды көздеп отырғанын мәлімдеді.

Anadolu ақпарат агенттігінің хабарлауы бойынша, Режеп Тайып Ердоған осы елдің ұлттық валютасының АҚШ долларына шаққандағы бағамының төмендегеніне тоқталып: "Доллар, еуро немесе алтын мәселесі туындап тұрған жоқ. АҚШ-тың Түркия мен басқа тәуелсіз елдерге қарсы экономикалық соғысы басталды. Оған қарсы тұру үшін тиісті шара қолдану керек",-деді.

Ердоған АҚШ-тың Түркияға қарсы санкциялары мен қысымдарына тоқталып: "Түркияны жоюды қалайтын адамдар жақында өздерінің аймақтағы әрекеттері мен саясаттарының жауабын алады",-деді.