Хизбулла сионистік әскерилердің Ливан шекарасындағы позицияларына шабуыл жасады

Ливан Хизбулласының күштері Шабаа алқабы мен басып алынған Палестина шекарасындағы сионистік әскерилерді нысанаға алды.

Iran Press ақпарат агенттігінің хабарлауынша, Ливан Хизбулласы: "Шабаа алқабында сионистік әскерилерге тиесілі әс-Самақа және әл-Маликиа аудандарын нысанаға алдық. Соның нәтижесінде бірнеше сионист жараланды",-деп хабарлады.

Басқа жағынан ақпарат көздері басып алынған Палестинаның солтүстігінде орналасқан әл-Джалил мен бірнеше сионистік қалашықта қатер дабылы қағылғанын хабарлады.

Сионистік режимнің 12-ші арнасының хабарлауынша, Ливаннан 4 зымыран атылды, оның екеуі ұсталмады.

Сионистік режимнің ақпарат құралдары дүйсенбі күні таңертең Хайфа айлағында бірнеше жойқын жарылыстың дыбысы естілгенін хабарлады. Басып алынған жерлердегі Крайот ауданында да жарылыстардың дыбысы естілген.

Сионистік режимнің ақпарат құралдары жарылыстардың себептерін жарияламады. Бірақ кейбір ақпарат көздерінің хабарлауынша, сионистік режим армиясының әуе-қорғаныс кешені Ливан жерінен ұшып теңіз арқылы Хайфа шығанағына келген бір ұшқышсыз ұшақты анықтап, жойып жіберген.