Газадағы жалғыз онкологиялық диспансер жабылды

Газаның Денсаулық сақтау министрлігі: "Осы секторда онкологиялық ауруларға шалдыққандарға қызмет көрсететін жалғыз аурухана жанармай тапшылығы салдарынан жабылды",-деп хабарлады.

Al-Jazeera телеарнасының хабарлауынша, сионистік режимнің Газа секторын қоршап алуы жанар-жағармай мен электр қуатының тапшылығына әкеліп соқтырды, сондай-ақ су мен азық-түлік жеткізуге шектеу қойылды.

Газа секторындағы ауруханалар жарақат алғандарға лық толы, бірақ дәрігерлерде оларды емдеуге дәрі-дәрмек пен тиісті медициналық препараттар жоқ.

Түркия мен Палестинаның достық ауруханасы да жабылды. Газадағы 35 аурухананың 16-сы, 72 амбулаторлық клиниканың 50-і тиісті мүмкіндіктің болмауына байланысты жабылған.

Палестинаның Денсаулық сақтау министрі өз мәлімдемесінде: "Онкологиялық орталықтағы 70 науқастың жаны қыл үстінде",-деді.

Онкологиялық ауруларға шалдыққандар ғана емес, аяғы ауыр әйелдердің де денсаулығына қатер төніп тұр.