Хизболланың ауыр соққылары Израильді шегіну туралы ойландырды ма?

ParsToday - Апталар бойы Ливанға құрлық арқылы енуге тырысқаннан кейін ешбір мақсатына жете алмаған сионистер енді Ливанның оңтүстігіндегі операцияларын аяқтадық деп, жақын арада шегіну туралы айтып жатыр.

Сионистік режимнің 13 арнасы сенбі күні былай деп жариялады: «Армия Ливанның оңтүстігіндегі құрлық операцияларын аяқтау алдында тұр және бағалаулар армияның Ливандағы операцияларының 90 пайызы аяқталғанын көрсетеді». ParsТoday агенттігінің хабарлауынша, Батыс Азияның әскери істері бойынша сарапшы Фаез әл-Довейри Al-Jazeera телеарнасына берген сұхбатында осылай деп мәлімдеді: «Израильдіктердің Ливан шекарасынан жақын арада шегіну туралы мәлімдемелері басқыншы режимнің Бас штабының басшысы Герци Халевидің екі күн бұрын Ливандағы операцияларды кеңейту қажеттілік деп айтқан мәлімдемелеріне қайшы келеді және бұл Израильдің Ливандағы соғыс мақсаттарына жете алмағанын білдіреді».

Әл-Довейри: «Ливан мен сионистер басып алған жерлермен шектесетін барлық қалалар сионистік режимнің басқыншылығында қирап қалды, бірақ Ливанның қарсыласу күштері әлі де осы қалаларда және сионистік дұшпанға қарсы операцияларын жалғастыруда. Толығымен жойылған Газа секторы сияқты, бірақ қарсыласу барлық аймақтарда бар және сионистермен соғысуда», -деп қосты.

Бұл иорданиялық сарапшы Хизболланың өткен күндер мен апталарда сионистерге қарсы жасаған қырғын операцияларына тоқталып: «Хизболла Тель-Авивтегі сионистерге ауыр соққылар беріп, сионистік әуе базаларын жиі нысанаға алды. Сондай-ақ, Хайфа мен әл-Джалилде зымырандардың жаууы күнделікті қалыпты жағдайға айналды және бұл аймақтар әрдайым Хизболланың зымырандық шабуылдарына ұшырайды», -деді.

Бұл ретте Батыс Азия аймағындағы тағы бір әскери және стратегиялық сарапшы, бригада генералы Элиас Ханна Оңтүстік Ливандағы саладағы оқиғаларды айтып берді: «Сионистік армия Хизболла жауынгерлерін, әсіресе «Резван» арнайы бөлімшесін шекарадан шығаруға тырысуда, бірақ бұл мақсатқа жету үшін көптеген қиындықтарға тап болуда».

Ханна былай деп қосты: «Қазіргі уақытта сионистік армияның сарбаздарының басым бөлігі Ливан шекараларында және олар Ливан аймақтарына ілгерілеу үшін көп талпыныс жасады, бірақ нәтижеге жетпеді. Сионистердің бұл талпыныстарына жауап ретінде Хизболла жауынгерлері Ливанның оңтүстігіндегі Израильдің құрлық күштеріне орасан зор шығын келтірді».