ЮНИСЕФ: Сионистердің қоршауындағы Газадағы балалар арасында кең тараған дұрыс тамақтанбау
ParsТoday - Біріккен Ұлттар Ұйымы Балалар қорының (ЮНИСЕФ) Палестинадағы арнайы өкілінің орынбасары Газа секторындағы мыңдаған баланың қоршаудың жалғасуы мен қатаң шектеулердің салдарынан тамақтанбау мәселесімен бетпе-бет келгенін хабарлады.
ParsТоday ақпарат агенттігінің IRNA-ға сілтеме жасап хабарлауы бойынша, БҰҰ Балалар қорының Палестинадағы арнайы өкілінің орынбасары Маджид Атвал: «Қоршау Газадағы мыңдаған баланы дұрыс тамақтанудан айырды және бұл жағдай алаңдатады»,-деп баса айтты.
ЮНИСЕФ қызметкері қатты отын мен су тапшылығы гуманитарлық агенттіктердің Газа секторының тұрғындарына көмектесу жөніндегі операциялық мүмкіндіктеріне тікелей әсер еткенін және бұл үрдістің жалғасуы гуманитарлық дағдарысты ушықтыратынын ескертті.
Израиль режимі 2023 жылы 7 қазанда Газа секторына қарсы соғысты екі негізгі мақсатпен бастады: Хамас қозғалысын жою және аймақтан сионистік тұтқындарды қайтару. Бірақ бұл мақсаттарына жете алмай, ХАМАС қозғалысымен тұтқындарды алмасу туралы келісімге келуге мәжбүр болды.
2025 жылы 19 қаңтарда Хамас пен Израиль режимі арасындағы келісім негізінде Газа секторында атысты тоқтату келісімі жасалып, бірқатар тұтқындар алмасылды. Алайда Израиль режимі атысты тоқтату келіссөздерінің екінші кезеңіне кіруден бас тартып, 2025 жылы 18 наурыз сейсенбі күні таңертең Газа секторына қарсы әскери агрессиясын атысты тоқтату шарттарын бұзып қайта бастады.
Палестина Денсаулық сақтау министрлігінің мәліметінше, 2023 жылдың 7 қазанынан бері Газа секторында шәһид болғандар саны 57130-ға, жараланғандар саны 135173-ке жетті.
