БАӘ 15 мың пәкістандық шииттерді шығарып жіберді
ParsToday – Біріккен Араб Әмірліктері ондаған мың пәкістандық шиит азаматтарын шығарып жіберді.
ParsToday «Шабестан» жаңалықтар агенттігіне сілтеме жасап хабарлауынша, Біріккен Араб Әмірліктері бұл елде тұру рұқсатын жоюдан кейін ондаған мың пәкістандық шиит азаматтарының банк шоттарын бұғаттап және мүлкін тәркілеп, оларды елдеріне оралуға мәжбүр етті.
Бұл әрекет тек осы адамдарды депортациялаумен шектелмейді, сонымен қатар БАӘ олардың жылдар бойы еңбек етіп жинаған барлық мүлкін, банк шоттарын және байлығын бұғаттады және оларды бос қолдарымен Пәкістанға қайтарды.
«Нью Лайнз» журналының Оңтүстік-Шығыс Азия бөлімінің бас редакторы Сурбхи Гупта осы туралы: «БАӘ осы жазалау әрекетінде Парсы шығанағындағы бұл елді соңғы жиырма жылда өз үйі деп санайтын 15 мың пәкістандық шиитті шығарып жіберді» деді.
Ол былай деп қосты: «Шығарылған көптеген адамдар қолайлы жұмыс табу арманымен БАӘ-ге келген еді және еш негізсіз осы елден қуылды. Көптеген адамдар маған оларды тұтқында ұстап, құжаттарын бермей, ұшақпен Пәкістанға қуылғандарын айтты. Олар сондай-ақ банк шоттары БАӘ тарапынан бұғатталғанын айтты.
