Сионистік режимнің Оңтүстік Ливанға шабуылдары
ParsToday - Жаңалықтар көздері сәрсенбі күні таңертең сионистік режимнің Оңтүстік Ливанның әртүрлі аймақтарына көптеген шабуылдар жасағанын хабарлады.
«Әл-Маядин» телеарнасы шұғыл жаңалықтар репортажында Ливанның оңтүстігіндегі бірнеше аймақ Израиль әскери шабуылдарының нысанасына айналғанын хабарлады.
Тиісінше, Израиль режимінің жойғыш ұшақтары «Набатия», «Әли әт-Тахир» және «Кәфр Рим» сияқты әртүрлі аймақтарға ауыр әуе шабуылдарын жасады.
«Әл-Кантара қаласының шеткі аудандары да басқыншылардың әуе шабуылдарына ұшырады» делінген.
Израиль режимінің Ливанның оңтүстігіне шабуылдары жалғасуда, ал Біріккен Ұлттар Ұйымының Босқындар істері жөніндегі Жоғарғы Комиссарының өкілі Бабар Балоч өткен аптаның соңында режимнің Ливанның оңтүстігіне жасаған әуе шабуылдары жаңа қоныс аудару толқынына әкеліп соқтырғанын және жүздеген отбасын солтүстік аймақтарға қашуға мәжбүр еткенін мәлімдеді.
