Омандағы кездесу кейінге қалдырылды
Parstoday - Иран Сыртқы істер министрлігінің Парсы шығанағы істері жөніндегі бас директоры: «Ормуз бұғазы кездесуінің кейінге қалдырылуы аймақтағы кейбір елдердің өтініші және Тегеран мен Маскаттың бірлескен шешімі бойынша қабылданды», - деді.
ParsToday Иран Телерадио бірлестігі хабар тарату агенттігіне сілтеме жасап хабарлауынша, Иран Сыртқы істер министрлігінің Парсы шығанағы істері департаментінің бас директоры Мұхаммад Әли Бек жексенбі күні: «Аймақтағы кейбір елдердің өтініші және Оман мен Иранның бірлескен шешімі бойынша дүйсенбіге жоспарланған Парсы шығанағы жағалауы елдерінің сыртқы істер министрлерінің кездесуі басқа күнге ауыстырылды», - деп мәлімдеді.
Ол былай деп қосты: «Иран Ислам Республикасы Оманмен тығыз кеңесе отырып, осы кездесуді өткізудің тиісті уақыты туралы қажетті шараларды қабылдайды».
Оманның сыртқы істер министрі ресми мәлімдемесінде дүйсенбі күні осы елде Ормуз бұғазы туралы өтетін аймақтық кездесудің уақыты өзгергенін хабарлады.
Бадр әл-Бусаиди былай деп мәлімдеді: «Аймақтық кездесу Оманның Салала қаласында өтуі керек еді, бірақ келісімге қол жеткізу үшін оның уақыты кейінге қалдырылды».
