Түркияның Ыстамбұл қаласында жарылыс болды
Түркияның Ыстамбұл қаласында автобус аялдамасында болған жарылыстан кем дегенде 11 адам қаза тапты.
«Reuters» ақпарат агенттігінің хабарлауы бойынша, Ыстамбұл қаласының полиция басқармасы сейсенбі күні осы қаланың орталығында автобус аялдамасында бомба орнатылған көлік жарылысының салдарынан сондай- ақ 36 кісі жараланды деп мәлімдеді.
Ыстамбұл қаласының полиция басқармасы осы жарылыс салдарынан полицяға тиесілі бір автобустың өртенгенін хабарлады.
Сонымен қоса Ыстамбұлдағы «Reuters» тілшісі жарылғыш заттар орнатылған көлік жарылысынан кейін қала көшелерінен атыс дауысы естілгенін мәлім етті.
Түркия биыл Ыстамбұлда бірқатар лаңкестік жарылыстар мен ел астанасы Анкарада бомба қойылған екі көлік жарылысына куә болды.
Соңғы кезде Түркия астанасы Анкарадағы «Қызыл ай» орталық алаңында орын алған лаңкестік шабуылдан ондаған адам қаза болып, жараланды.
