Ирандық «Мұхаммад (с.ғ.с.) – Алланың елшісі» фильмі Ресейдің Кавказ аймағында экранға шығады

Ирандық режиссер Маджид Маджидидің «Мұхаммад (с.ғ.с.) – Алланың елшісі» фильмі Ресейдің Кавказ аймағындағы Дағыстанда экранға шығады.

Иран Телерадио бірлестігінің ақпарат агенттігінің мәліметі бойынша, Ресейдегі Иран елшілігіне қарасты мәдени орталық «Мұхаммад (с.ғ.с.) – Алланың елшісі»  фильмінің орыс тілінде дыбысталып, парсы тіліндегі титрмен қараша айының он сегізі күні Дағыстанда экранға шығатынын хабарлады.

Дағыстан діни басқармасының зерттушілері, исламдық тарихшылары мен исламтанушылары «Мұхаммад (с.ғ.с.) – Алланың елшісі»   фильмін зерттеп, растады. Бұған дейін аталмыш фильм Мәскеуде көрсетілді.

35 миллион долларлық бюджетпен шығарылған «Мұхаммад (с.ғ.с.) – Аллныңа елшісі» фильмі халықаралық деңгейдегі, әсіресе мұсылмандардың қолдауына ие болды. Бұл Иранның ең көп қаржы жұмсалған фильмі болды.

Мәджид Мәджидидің айтуынша,   «Мұхаммад (с.ғ.с.) – Алланың елшісі» фильмі – ислам әлемінің фильмі. Оның мақсаты – мұсылмандар арасындағы  ынтымақтастықтарды арттыру.