Шамхани: Астанада өтетін саммитте Америка ешқандай рөл атқармайды
Иранның Ұлттық қауіпсіздік жоғары кеңесінің хатшысы Астанадағы алдағы саммитке Американың қатысуына Иранның қарсылығына байланысты осы елдің бұл отырысты басқаруда және нәтижелерін тұжырымдауда ешқандай рөлге ие болмайтынын мәлімдеді.
ИРНА-ның хабарлауынша, Иранның Ұлттық қауіпсіздік жоғары кеңесінің хатшысы Әли Шамхани сәрсенбі күні Американың ымыра орнату және Сириядағы жауласушы тараптарды сұхбаттасуға қарай жетелеуде уәдеге тұрмауы мен біліксіздігіне сілтеме жасап: «Сирия дағдарысын басқаруға және саяси бастамаларға жетекшілік етуге Американың атсалысуына еш себеп жоқ. Америка Қазақстанның елордасы Астанада өтетін алдағы саммитте ешқандай рөл атқармайтын болады.
Иран Сирияның заңды үкіметіне лаңкестікпен күресте қолдау көрсетуде негізгі рөл атқарушы мемлекет ретінде саяси үдерістерде, соның ішінде Астана саммитінде де белсенді құзырға ие болады.
Атысты тоқтату келісіміне қол қойған және «сириялық-сириялық» сұхбаттасуларға берік екендігін мәлімдеген қарулы топтар ғана БҰҰ- ның өкілімен бірге Астана саммитіне шақырылып отыр» деп баса айтты.
