Санкт-Петербург қаласында қойылған бомба залалсыздандырылды
Сәу 07, 2017 03:41 Asia/Almaty
Ресейдің қауіпсіздік саласының басшылары Санкт-Петербург қаласында бір бомбаның залалсыздандырылғанын хабарлады.
Ресей басшылары бейсенбі күні қауіпсіздік күштері Санкт-Петербург қаласындағы бір үйде жарылғыш затты залалсыздандырғанын мәлімдегенімен, бұл жөнінде егжей- тегжейлі мәлімет ұсынған жоқ.
Ресейдің қауіпсіздік саласының басшылары сондай-ақ бейсенбі күні осы елдің оңтүстігінде орналасқан Ростов қаласында болған жарылыстан бір адамның жараланғанын мәлімдеді. Жарылыстың себебі мен шығындары туралы нақты мәлімет жоқ.
Дүйсенбі күні Ресейдің Санкт-Петербург қаласындағы метрода болған екі лаңкестік жарылыстан 14 адам қаза болып, шамамен 60 кісі жараланған жағдайда осындай хабар жарияланды.
Тегтер
