Джахангири: Иран Газ экспорттаушы елдер форумында (GECF) маңызды рөлге ие

ИИР президентінің бірінші орынбасары әлемдегі газ экспорты мен энергетикалық қор экспортындағы саясаттар мен оны дамыту үшін үйлесімдік жұмыстарын белгілеуде Иранның маңызды орын мен рөлге ие екендігін мәлімдеді.

ИИР-ның вице-президенті Исхақ Джахангири Боливияның Санта-Круз қаласының халықаралық әуежайында тілшілерге берген сұхбатта Иранның әлемдегі ең ірі газ қорларының біріне ие екендігін және Газ экспорттаушы елдер форумының (GECF) маңызды мүшесі саналатынын айтты.

Джахангири газ ұсынысы, бағасы мен қауіпсіздігінің маңызы жайында: "Бірнеше жыл бұрын Теһранда газ өндіруші және экспорттаушы елдер осы энергия қорының болашағын болжау арқылы Газ экспорттаушы елдердің форумын (GECF) құруға шешім қабылдаған болаты. Бүгін содан бірнеше жыл өткен соң бұл форум энергетика саласында шешім қабылдайтын маңызды орталыққа айналды",- деп  қуаттады.

Джахангири сондай-ақ Латын Америкасының ИИР-ның сыртқы саясатында басымдыққа ие екенін айтып, Газ экспорттаушы елдер форумының отырысы аясында Боливия үкіметінің басшылары мен басқа елдердің кейбір басшыларымен кездесіп, сұхбаттасатынын айтты.

ИИР-ның вице-президенті Газ экспорттаушы елдер форумының төртінші отырысына қатысу үшін Боливияға сапармен келді.