Карзай АҚШ-тың Ауғанстан халқы мен аймаққа қиянат жасағанын қуаттады
Ауғанстанның бұрынғы Президенті: "АҚШ Ауғанстан халқы мен аймаққа қиянат жасады",-деп мәлімдеді.
ИИР Телерадио бірлестігі ақпарат агенттігінің сенбі күнгі хабарлауы бойынша, Хамид Карзай: "АҚШ басшыларының Ауғанстан ғана емес, Таяу Шығыс аймағына қатысты қазіргі стратегиясы соғысқа негізделген. Бұл үдерістің жалғасуы бейбітшілікті аймақтан алшақтатады",-деді.
Ауғанстанның бұрынғы Президенті америкалықтарға сенуге болмайтынын айтып: "Демократия, азаттық, Ауғанстан халқы мен аймақтың қауіпсіздігі деген тек ұран ғана. Америкалықтардың өздері бұған сенбейді",-деді.
Ауғанстанның бұрынғы Президенті АҚШ-тың Иран мен Ауғанстан қарым-қатынасының дамуына кедергі жасау мақсатында жасап жатқан қысымдарына тоқталып, өзінің билік жүргізіп тұрған кезінде америкалықтардың ашық түрде одан Иранмен арадағы байланысты үзуді сұрағанын айтты.
