Иран мен Ирландия екіжақты ынтымақтастықтарын арттырады
Иран мен Ирландияның достық парламенттік тобы бейсенбі күнгі ортақ мәлімдемесінде екіжақты ынтымақтастықты арттыратынын қуаттады.
Мәлімдемеде сауда қарым-қатынастары мен экономикалық ынтымақтастықтарды қолдаудың екі ел арасындағы ынтымақтастықтарды нығайту үшін қажет екендігі баса айтылып: «Иран мен Ирландияның қазіргі сауда айналымының мөлшері шамамен 140 миллион еуроны құрайды. Бұл мөлшер екі жақтың мүмкіндіктеріне сай емес»,- деп көрсетілген.
Иран мен Ирландияның достық парламенттік тобының басшылары екі елдің халықаралық маңызды мәселелерге қатысты ортақ көзқарастарға ие екендігіне тоқталып: «Теһран мен Дублин аймақ пен халықаралық мәселелерді дипломатиялық және бейбіт түрде шешуді маңызды деп санайды. «Ортақ қадам» жан-жақты бағдарламасы – маңызды дипломатиялық жетістік. Ирландия Иран мен Еуроодақтың ұстанымдарын қолдап, келісімнің толық іске асырылуының маңыздылығын қуаттайды»,- деді.
