Помпео: АҚШ саудиялықтардың қорғаныс қабілетін нығайтуды мақсат етеді

АҚШ Мемлекеттік хатшысы Сауд Арабиясына жаңа әскери құрал-жабдықтар мен күштердің жіберілетініне тоқталып: "Вашингтон саудиялықтардың қорғаныс қабілетін нығайтуға мүдделі",-деді.

Fars ақпарат агенттігінің хабарлауынша, Майк Помпео сенбі күні таңертең Сауд Арабиясына жаңа әскери құрал-жабдықтар мен күш жіберудің келесі бір себебін Иранмен соғысу деп астыртын меңзеді.  

АҚШ Мемлекеттік департаменті Пентагон жұма күнгі мәлімдемесінде Сауд Арабиясына 3 мың жаңа әскери күш жіберудің күн тәртібіне қойылғанын хабарлап: "TAD пен Patriot деген америкалық зымырандық екі кешен де эр-Риядқа жіберіледі",-деді.

Пентагон, сондай-ақ, Сауд Арабиясында екі жаңа америкалық қырғи ұшақтар эскадронының орналасатынын хабарлады.

АҚШ үкіметіндегі "Иранға қарсы шара" атты топтың басшысы Брайан Хук сенбі күні таңертең берген сұхбатында Помпеоның сөзін қайталап: "Сауд Арабиясы АҚШ-тың қауіпсіздік саласындағы серіктесі саналады. Оның Иранға төтеп бере алуы өте маңызды",-деді.

Хук Вашингтонның Иранның Aramco мұнай нысандарына жасалған шабуылға қатысы бар деген уәждерін қайталады.