Иран фильмдері Азия кинофестивалінде 4 жүлдеге үміткер атанды

Iran Press ақпарат агенттігінің хабарлауынша, Иран кинематографиясы «Дәшт-е хамуш» (Үнсіз дала), «Хуршид» (Күн) фильмдерімен XV Азия кинофестивалінің жүлделеріне үміткерлер тізіміне енді.

Оңтүстік Кореяның «Бусан» кинофестивалі кеше, бейсенбі күні XV Азия кинофестивалінің жүлделеріне үміткерлер тізімін жариялады. Тізім бойынша, Ахмед Бахрами  «Дәшт-е хамуш» фильмі үшін ең үздік режиссер жүлдесін алуы мүмкін. Ал Хасан Хасандуст ең үздік қоюшы режиссер, Масуд Амини Тирани ең үздік оператор атану үшін азиялық әріптестерімен бәсекелесетін болады. Рухолла Замани Маджид Маджидидің режиссерлігімен түсірілген «Хуршид» фильмінде ойнағаны үшін ең үздік әртіс атануы мүмкін.