Киев пен Харковьте жарылыс дыбыстары естіліп жатыр

Ресейдің Украинадағы әскери амалдары бесінші күнге аяқ басты. Украинаның ірі қалаларында қақтығыстар әлі де жалғасып жатыр.

Тараптар келіссөздерді бастауға ниетті.

Украинадағы қақтығыстардың бесінші күнінде осы елдің Мемлекеттік коммуникация және ақпаратты қорғау қызметі: "Дүйсенбі күні таңертең Украинаның астанасы Киев қаласында бірнеше сағаттық тыныштықтан кейін қайта жарылыстар дыбысы естілді. Осы елдің екінші ірі қаласы Харковьта да жарылыс болды",-деп мәлімдеді.

Сондай-ақ, Украина армиясы Құрлық күштерінің қолбасшысы Facebook-тегі жеке парақшасында: "Елдің солтүстігіндегі қалалардың бірі Житомир де түнде зымырандық шабуылға ұшырады",-деп мәлімдеді.