Ресей Харьков қаласына оқ жаудырғанын теріске шығарды

Мəскеу АҚШ елшілігінің Украинаның солтүстігіндегі Харьков қаласы тұрғындарына оқ жаудырылғаны туралы уəждерін теріске шығарды.

Ресей Қорғаныс министрлігінің баспасөз хатшысы Игорь Конашенков: "Ресейдің Қарулы күштерінің барлық бөлімшелері Харьков қаласының сыртында орналасқан. Бұл қалаға ешқандай шабуыл жасалмады",-деді.

Коношенков: "Украинаның үгіт-насихат көлігі бұл қалада қандай да бір жарылыс болғанын көрсетпеді. Барлық ғимараттардың терезелері мен қабырғалары сау. Жерде ешқандай жарылыс белгісі жоқ",-деді.