Тахтраванчи: Наурыздың бейбітшілік, достық, ынтымақтастық және жанашырлық туралы жолдауынан шабыттанайық
Иранның БҰҰ-дағы елшісі және тұрақты өкілі бұл ұйымда өткен Наурыз мерекесінде: «Наурыздың бейбітшілік, достық, ынтымақтастық және жанашырлық туралы жолдауынан шабыттанайық»,- деп баса айтты.
Нью-Йорктегі ИИР тұрақты өкілдігінің бастамасымен және Наурызды тойлайтын басқа 11 елдің қатысуымен БҰҰ-ның Нью-Йорктегі штаб-пәтерінде виртуалды түрде Халықаралық Наурыз күнін еске алу жиналысы өтті. Иранның БҰҰ-дағы елшісі және тұрақты өкілі бұл жиналыста: «Адамзат пандемия, біржақтылық, экстремизм, зорлық-зомбылық, дұшпандық және қақтығыс сияқты бұрын-соңды болмаған және сансыз жаһандық сынақтармен бетпе-бет келіп тұрған әлемде Наурыз бен оның бейбітшілік, достық, ынтымақтастық және жанашырлық сияқты жоғары жолдауларынан шабыт алайық»,- деді. Тахтраванчи рәсімге қатысушыларды Халықаралық Наурыз күнімен құттықтап, сөзін ирандық атақты ақын Хафиз Ширазидің өлеңімен аяқтады: «Наурыздың лебі сенің досыңнан келеді. Осы желден көмек сұрап, жүрегіңді нұрландыр».
