Иран Катарға футболдан әлем чемпионатын салтанатты түрде өткізуге көмектесуге дайын

Иран Президенті Катар әмірімен телефон арқылы сұхбатында Теһран үкіметінің осы елге футболдан әлем чемпионатын салтанатты түрде өткізуге көмектесуге дайын екенін айтты.

IRNA ақпарат агенттігінің хабарлауынша, Ибраһим Раиси жексенбі күні кешке шейх Хамд бен Тамим әл Санимен телефон арқылы сұхбатында оны Рамазан айының басталуымен құттықтап, Катарда футболдан әлем чемпионаты өтетініне қуаныш білдіріп, бұл елге осы маңызды спорт шарасын сәтті өткізуге тілеулестік білдіріп: «ИИР әлем чемпионатын жоғары деңгейде өткізу үшін Катарға жақын Киш және басқа араларда тиісті көмек беруге дайын. Алдын ала жоспарланған бағдарлама бойынша әлем халқы есте қалар ойындарға куә болатынына сенімдіміз»,-деп еске салды.

Катар әмірі де телефон арқылы сұхбатта екі ел басшыларының Дохада өткен келіссөздерінен кейін өз елінің Теһранмен қарым-қатынасты одан ары дамытуға бел байлағанын айтып: «Сіздің Катарға сапарыңыз бауырластық қатынасты дамытуда және өзара әріптестікті нығайтуда маңызды рөл ойнайтынына сенімдіміз»,-деді.