Шамхани: Ауғанстанда бейбітшілік пен тұрақтылық орнатуға талпыну керек

ИИР Ұлттық қауіпсіздік жоғары кеңесінің хатшысы: «Ауғанстанда қауіпсіздік, бейбітшілік пен тұрақтылық орнату аймақ елдерінің бәріне қажет»,-деді.

Шамхани Тәжікстанның астанасы Душанбеде өткен IV Аймақтық қауіпсіздік диалогында сөйлеген сөзінде аймақтың жағдайы, соның ішінде  Ауғанстанның жағдайын баяндап: «ИИР әрдайым Ауғанстанда қауіпсіздік, бейбітшілік пен тұрақтылық болуын қалайды. Мұны осы ел халқы мен аймақтың әл-ауқатын жақсартуға қажетті шарт деп санайды»,-деді.

Иран Ұлттық қауіпсіздік жоғары кеңесінің хатшысы Ауғанстандағы жиырма жылдық соғыс пен Украина соғысына АҚШ-тың қате экспансиялық саясаты кінәлі деп айтып: «АҚШ Ауғанстан халқының активтерін босатып қана қоймай, осы елге тигізген шығындарын да өтеуі тиіс»,-деді.