Иравани: Иран Ауғанстанда бейбітшілікті нығайтуға қатысты міндеттемесіне берік
БҰҰ-дағы Иранның тұрақты өкілі: "Иран Ауғанстанда тұрақты бейбітшілікті нығайту үшін көршілес елдер, тиісті серіктестер және БҰҰ-мен тығыз ынтымақтастық жасауға қатысты міндеттемесіне берік",-деді.
Iran Press ақпарат агенттігінің хабарлауынша, Амирсаид Иравани сәрсенбі күні БҰҰ Қауіпсіздік кеңесінің Ауғанстандағы жағдайға қатысты жиналысында: "Ауғанстанның жағдайынан тікелей қиындық көріп, миллиондаған ауғандық мигрантты қабылдап отырған Иран осы елдің уақытша үкіметімен (DFA) белсенді қатынасын сақтап отыр",-деді.
Амирсаид Иравани: "Бұл әріптестік Ауғанстанның экономикасын оңтайландыру және гуманитарлық жағдайды жақсарту мақсатында екіжақты, көршілестік және "Мәскеу форматы" сияқты аймақтық қалыпта жүзеге асырылып жатыр",-деді.
Иравани Ауғанстан басшыларының өз халықаралық міндеттемелері, әсіресе көршілес елдерге қатысты міндеттемелерін орындайтынына үміт білдірді.
