Хазірет Фатима (ғ.с.) (13) "Мохадесе" есімі

Исламның ұлық пайғамбарының қызы хазірет Фатима-Заһраны (ғ.с.) аза тұту күндеріне орай әлемнің барша мұсылмандарына көңіл айтамыз. Осы күндерге байланысты хазірет Фатима-Заһраның (ғ.с.) лақап аттары мен қадір-қасиеттеріне назар аударамыз. Бүгін Алла елшісінің қадірлі қызының «Мохадесе» есіміне тоқталамыз.

"Мохадесе" есімінің екі айтылымы бар. Біріншісі –  «Мохадасе». Бұл сөзде "д" қарпінен кейін "а" айтылады. Имам Джафар Садық (ғ.с.): "Фатиманы «Мохадасе» деп де атайды, өйткені аспаннан перштелер түсіп, хазірет Мәриәммен сөйлескендей хазірет Фатима-Заһрамен де сөйлескен. Түндердің бірінде хазірет періштелерден «Әлемнің ең жақсы әйелі Имранның қызы хазірет Мәриәм емес пе?"- деп сұрайды. Періштелер: "Хазірет Мәриәм өз заманындағы әйелдердің басшысы, бірақ Алла Тағала сізді бүкіл әлемнің және өз заманыңыз, хазірет Мәриәмнің заманы, әлемнің басынан соңына дейінгі уақыттың бүкіл әлемдерінің басшысы етіп жаратты",- деп жауап берді",- деген болатын. Сондай-ақ, Исхақ бен Джафар: "Имам Садықтың (ғ.с.) "Фатиманы «Мохадасе» деп атайды, өйткені періштелер аспаннан түсіп, Имаранның қызы Мәриәммен сөйлескендей, Фатимамен де сөйлесіп: "Уа, Фатима! Алла сені таңдап,. пәк қалдырып, әлемнің ең жақсы әйелі болуды нәсіп етті. Уа, Фатима! Жаратушыңа бағынып, ол үшін сәжде мен рукуһ жаса" деген" сөзін естідім", - деген болатын.  Періштелер илаһи ахкам, алдағы оқиғалар мен келешекте билік басына келетіндер туралы хабарлап, Фатима (ғ.с.) хазірет Әлиден (ғ.с.) бұл мәліметтерді жазып отыруды сұрады. Сөйтіп "Фатима (ғ.с.) мосһафы" деген үлкен кітап жинақталды. "Мохадесенің" келесі айтылымында "д" қаріпінен кейін "е" айтылады. Бұл кездегі мағынасы «Басқалар үшін хадис айтатын әйел» дегенді білдіреді.  Хазірет Фатима-Заһра (ғ.с.) мен хазірет Әлиден (ғ.с.) тараған пәк имамдар Алла елшісінен үлгі алып, рауаят айтып, жаратылыстың құпияларын баяндаған. Құран Кәрімнің терең шындықтары және Алла елшісі мен хазіреттің пәк әулетінің жақтастарын олардың ахлағы және тарихымен таныстырған.  Сондықтан "Мохадесе" есімінің мағынасы – «хадис айтушы». Бұл есім пәк имамдардың анасы хазірет Фатима-Заһраға (ғ.с.) лайық.