74 mandate! Erdogan, Mitsotakis, Di Maio dhe Salvini urojnë Ramën
Ndërsa zyrtarisht kreu i KQZ bëri me dije se PS ka siguruar 74 mandate, vijnë edhe urimet nga ndërkombëtarët për kryeministrin Edi Rama.
Kështu Presidenti turk Erdogan dhe Kryeministri Grek Mitsotakis kanë uruar kryeministrin për këtë rezultat të arritur, që i siguron deri më tani mandatin e 3 qeverisës. Biseda telefonike e Ramës me Presidentin turk dhe homologun grek ka ndodhur pak minuta më parë. Urime për rezultatin ka marrë edhe nga Ministri i Jashtëm Italian Di Maio dhe lideri i opozitës italiane Salvini. PS ka 74 mandate, ndërsa PD 59 mandate, LSI 4 dhe PSD 3 mandate. Nga 5198 qendra votimi deri më tani janë numëruar 4972, pra ngelen vetëm 226 për të nxjerrë rezultatin. Duke parë këto shifra Rama i ka ftuar të gjithë “për përqafimin e fitores” në orën 18.00, në Sheshin Skënderbej.
