Shqipëria  anëtare e Këshillit të Sigurimit në OKB, reagojnë politikanët

Presidenti Ilir Meta ka reaguar pasi Shqipëria u zgjodh ditën e sotme anëtare e Sigurimit në OKB.

Në një postim që ka bërë në rrjetet sociale, kreu i shtetit teksa përshëndetur zgjedhjet e ditës së sotme është shprehur se vendi ynë do të përmbushë me përgjegjësi të lartë këtë detyrë dhe mision për dy vitet e ardhshme. Përshëndes zgjedhjen sot të Shqipërisë, anëtare jo e përhershme e Këshillit të Sigurimit të Kombeve të Bashkuara, për herë të parë në 65 vite anëtarësi në këtë Organizatë të rëndësishme për paqen, sigurinë dhe stabilitetin global. Kryeministri Edi Rama, ka reaguar pasi Shqipëria sot u zgjodh anëtare e përkohshme e Këshillit të Sigurimit në OK. Kreu i qeverisë, në një postim që ka bërë në rrjetet sociale e cilëson këtë si një lajm të bukur. Me 175 vota nga 117 të nevojshme, Shqipëria sapo u zgjodh anëtare e Këshillit të Sigurimit të OKB për vitet 2022-2023.” Pak më parë ka reaguar edhe Ambasadori Evropian në Tiranë Luigi Soreca, ku nëpërmjet një postimi në rrjetet sociale, tha se kjo është një ditë historike për Shqipërinë. Shqipëria u zgjodh të premten, 11 qershor, anëtare jo e përhershme e Këshillit të Sigurimit të Kombeve të Bashkuara. Kjo shënon herën e parë të përzgjedhjes në këtë funksion, pas 65 vitesh nga anëtarësimi i saj në Organizatën e Kombeve të Bashkuara. Shqipëria u zgjodh të premten, 11 qershor, anëtare jo e përhershme e Këshillit të Sigurimit të Kombeve të Bashkuara.  Këshilli i Sigurimit, një organ i OKB-së me kompetenca të fuqishme, përbëhet nga 15 anëtarë, 5 prej të cilëve të përhershëm, ShBA, Mbretëria e Bashkuar, Franca, Rusia dhe Kina që kanë të drejtë vetoje si dhe 10 anëtarë jo të përhershëm, me një mandat dy vjeçar.  Shqipëria, Brazili, Gaboni, Gana dhe Emiratet e Bashkuara Arabe ishin në garë, pa konkurrentë nga rajonet përkatëse, për 5 vendet. Për t’u zgjedhur, secilës prej tyre i duhej të siguronte dy të tretat e votave të vendeve anëtare të OKB-së. Shqipëria mori 175 vota. Votimi ishte i fshehtë.  Shqipëria është vendi i vetëm që nuk ka qënë asnjëherë anëtare e Këshillit të Sigurimit. Vendet kandidate do të zëvendësojnë pesë anëtarë aktualë, Estonia, Nigeri, Saint Vincent dhe Grenadines, Tunizia dhe Vietnami.  Mandati i anëtarëve të rinj fillon më 1 janar 2022 dhe do të shërbejnë deri në 31 dhjetor 2023. Pesë shtetet e tjera në grupin e 10 anëtarëve jo të përhershme janë India, Irlanda, Kenia, Meksika dhe Norvegjia.  Këshilli i Sigurimit merret me paqen dhe sigurinë ndërkombëtare. Ai ka kompetenca të dërgojë paqeruajtës në rajone të trazuara, si dhe të miratojë sanksione./oranews/