Sulmohet me armë ish-anëtari i Listës Serbe

Një makinë tip “Kia” është sulmuar me armë zjarri, ndaj së cilës janë shkrepur disa plumba.

Ngjarja ka ndodhur në Zveçan, përkatësisht në rrugën Zveçan i Vogël-Zveçan, ndërsa makina ishte në lëvizje. Në momentin e të shtënave në makinë ishte Milan Ivanovic, ish-anëtar i Listës serbe dhe drejtori i spitalit në veri të Mitrovicës, ndërsa makina është në pronësi të të birit të Milanit, Miljan Ivanovicit. Autorët disa persona me dy makina, tip “Opel Corsa” dhe tip “Skoda” pa targa, pasi ia kanë prerë rrugën dhe kanë shtënë me armë zjarri mbi të. Përveç dëmeve materiale, nuk ka të lënduar, ndërsa policia është vënë në kërkim të autorëve.