Bordi i Transparencës rishikon çmimin e naftës

Bordi i Transparencës në mbledhjen e së mërkurës ka rishikuar çmimin e naftës të përcaktuar një ditë më parë.

Në mbledhjen e së martës çmimi tavan i shitjes së naftës ishte 233 lekë për litër, ndërsa sot është ulur në 228 lekë për litër. Ndryshim ka pasur edhe për çmimin e benzinës ku nga 208 Lekë/litri që ishte përcaktuar një ditë më parë, ka zbritur 1 lek më pak. Vendimi hyn në fuqi nga sot në orën 18:00 dhe sipas Bordit vjen nga reflektimi në ndryshimin e çmimeve në tregjet ndërkombëtare. Çdo operator i shitjes me shumicë dhe pakicë i nënprodukteve të naftës është i detyruar të zbatojë Vendimin e Bordit të Transparencës, në lidhje më çmimet e shitjes me shumicë dhe pakicë.