Dy filma iranianë garojnë në Festivalin Ndërkombëtar të Filmit në Kosovë

Filmat me metrazh të shkurtër Katvoman dhe Angoshtar (Unaza) do të garojnë në Festivalin Ndërkombëtar të Filmit në Kosovë.

Filmat me metrazh të shkurtër Katvoman me regji të Hadi Shibani dhe Angoshtar me regji dhe producent Reham Rasuli hynë në edicionin e 10-të të Festivalit Ndërkombëtar të Filmit në Kosovë. Festivali Ndërkombëtar i Filmit në Kosovë FERFILM u formua në vitin 2013 nga një grup artistësh nga qyteti Ferizaj dhe më gjerë, me qëllimin e krijimit të një iniciative për promovimin e kulturave dhe vlerave botërore përmes filmit si një medium shumëdimensional dhe tërheqës. Përveç shfaqjes dhe konkurrimit mes filmave të shkurtër artistikë, dokumentarë, të animuar dhe eksperimental, ky festival përpiqet që pjesëmarrësit e këtij evenimenti t'i njoftojë me diversitetin kulturor dhe atraksionet turistike të Kosovës. Edicioni i 10-të i Festivalit Ndërkombëtar të Filmit në Kosovë FERFILM do të mbahet nga 2 deri më 6 shtator (11 deri më 15 shtator 1401).