Lideri serb shprehu shqetësimin për furnizimin me armë të Kosovës nga Amerika

Presidenti i Serbisë shprehu shqetësimin për vërshimin e armëve, pajisjeve dhe teknologjisë nga Amerika drejt Kosovës dhe vendeve të tjera të Ballkanit.

Sipas agjencisë së lajmeve Sputnik, presidenti serb Aleksandar Vuçiç mbajti një takim të Këshillit të Sigurisë Kombëtare me anëtarët e qeverisë dhe drejtorët e agjencive të zbatimit të ligjit. Ai në këtë takim tha: "Amerika do të dërgojë një dërgesë të re ndihme ushtarake në vendet e këtij rajoni, duke përfshirë Shqipërinë, Bosnje-Hercegovinën, Malin e Zi, Kroacinë, Maqedoninë e Veriut dhe atë që ata e quajnë Kosovë. Unë dua të di se çfarë do të na thonë ata, amerikanët dhe të tjerët në këtë rajon pas kësaj dhe çfarë do të kërkojnë nga ne? Sepse, siç e shihni, vetëm një shtet nuk është në këtë listë dhe ai është Serbia". Vuçiç shtoi: "Unë mendoj se Amerika do të thotë se do të dërgojë këtë ndihmë të re ushtarake në vendet e këtij rajoni për t'i ndihmuar ata të mbrohen kundër Rusisë". Presidenti i Serbisë në prill të këtij viti akuzoi Perëndimin për hipokrizi dhe tha se Anglia po i siguron Kosovës raketat anti-tank "Javelin" dhe gjeneratën e ardhshme të armëve të lehta anti-tank "NLAW" dhe në të njëjtën kohë dënon veprimin e Serbisë në blerjen e sistemeve kineze të mbrojtjes ajrore K-3.