Rama në OKB: Serbia të njoh Kosovën, koha që të zhbllokohet ngërçi

Kryeministri Edi Rama, në fjalën e tij në Asamblenë e Përgjithshme të OKB-së, i ka bërë thirrje Serbisë që të njohë Kosovën si shtet i pavarur.

Kreu i qeverisë theksoi se është koha që Kosova dhe Serbia të lëvizin përtej ngërçit aktual në dialogun e tyre dhe të nënshkruajnë marrëveshjen e mbështetur nga SHBA dhe BE. “Serbia duhet të njohë Kosovën. Është koha që Kosova dhe Serbia të lëvizin përtej ngërçit aktual në dialogun e tyre dhe të punojnë me kurajë drejt një marrëveshje gjithëpërfshirëse. Të miratojnë një marrëveshje të mbështetur nga BE dhe SHBA. Dialogu nuk është vetëm rruga më e mirë, por është rruga e vetme dhe e patjetërsueshme për t’u marrë me këtë çështje sado që të vështira të duken”- nënvizoi Rama.