Organizohen homazhe për nder të Ajetollah Hashemi Rafsanxhani në Sarajevë

Në prani të të dërguarit special të presidentit të Republikës Islamike të Iranit, ministrit të çështjeve sociale dhe disa funksionarëve të tjerë të Bosnjës, në Sarajevë është organizuar një ceremoni speciale për nder të Ajetollah Hashemi Rafsanxhanit.

Në këtë ceremoni morën pjesë edhe kryetari i Bashkësisë Islame të Bosnjës, kreu i ulemave të këtij vendi, si dhe përfaqësues të shoqërisë civile. Me rastin e vdekjes së Ajetollah Hashemi Rafsanxhani, ambasada e Iranit në Sarajevë në ambientet e bibliotekës Gazi Khosrobejk të Sarajevës ka organizuar një ceremoni me përfaqësues të politikës, fesë dhe populli boshnjak. Në fillim të ceremonisë Mahmud Hejdari ambasador i Iranit në Bosnje, vlerësoi respektin e treguar nga populli dhe funksionarët e Bosnjës dhe tha se me vdekjen e Ajetollah Hashemi Rafsanxhanit bota, Irani, politika dhe Bosnja kanë humbur një mik dhe një personalitet të madh. Në vazhdim të ceremonisë Sefat Suftic kryetar i parlamentit të Bosnjës mbajti një fjalim për nder të Ajetollah Hashemi Rafsanxhani të cilin e cilësoi personalitet të pashembullt në politikë dhe tha se Rafsanxhani ka theksuar shumë në bashkëjetesën ndëretnike në Bosnje. Fjalim ka mbajtur edhe Adel Otamonovic i dërguar i presidentit të Bosnjës i cili vlerësoi kontributin e Ajetollah Hashemi Rafsanxhani gjatë periudhës së luftës në Bosnje dhe tha se në atë kohë z. Rafsanxhani i ka qëndruar pranë populli boshnjak. Ne vlerësojmë kontributin e tij jo vetëm në kohën e luftës por edhe në periudhën e rindërtimit të Bosnjës tha në fjalën e tij Otamonovic. Ndërsa Mustafa Seric ish kreu i bashkësisë islame të Bosnjës bëri një biografi të Ajetollah Hashemi Rafsanxhani dhe tha në kohën kur Rafsanxhani ishte në krye të shtetit në Iran, ai ka dhënë shumë ndihma për popullin e Bosnjës dhe ka luajtur rol konstruktiv gjatë luftës në Bosnje.