Vëllazëria sllave përgatiten për luftë?
Ushtria e Serbisë do të marrë pjesë në ushtrimin ushtarak trelateral “Vëllazëria Sllave 2017”, i cili do të mbahet nga 6 deri më 15 qershor në poligonin e Forcave të Armatosura të Bjellorusisë, njofton kanali televiziv katariot Aljazeera.
Sipas këtij mediumi, vëllazëria sllave ka parashikuar ushtrimin e transportimit me mjetin luftarak për tejkalimin e barrierës ujore, ulje me parashutë, tejkalimi i pengesave ujore me mjete zbarkimi, zbritja me litar nga helikopteri si dhe të shtëna gjatë ditës dhe natës nga armatimi personal. Bashkëpunimi mes “vëllazërisë sllave” përfaqëson vazhdimin e bashkëpunimit në mes Njësive ajrore të Forcave të Armatosura të Federatës Ruse dhe Brigadës Speciale të Ushtrisë së Serbisë. Vitin e kaluar, ushtrimi trelateral “vëllazëria sllave” u realizua në territorin e Serbisë.
